आशाताई बच्छाव
गौरी गणपती समोर हिमालयाचा अनोखा देखावा! जालना दि.२३(ब्युरो चीफ दिलीप बोंडे) गौरी व गणपतीच्या सणाला यावर्षी हिमालयाचा पर्यावरणपूरक देखावा सौ.धनश्री रामदास कुलकर्णी,श्री.रामदास कुलकर्णी परिवारांने तयार करून पारंपारिक पद्धतीने सण उत्सव साजरी करण्याची परंपरा जोपासली आहे. शहरातील आनंदवाडी श्रीराम मंदिर परिसरातील कुलकर्णी परिवार दरवर्षी गौरी गणपतीच्या सणाला गौरी समोर सजावट करून देखावा करतात.देखाव्यातून सामाजिक व भारतीय सांस्कृतिक आशयाचा संदेश देण्यासह नवीन पिढीला ओळख व्हावी,हा यामागील उद्देश आहे.घरातील सौ.धनश्री रामदास कुलकर्णी,डॉ.प्रल्हाद कुलकर्णी,अमोघ कुलकर्णी, अंतरा कुलकर्णी यांनी गौरी गणपती समोर यावेळेस ‘हिमालय पर्वत’ हा अनोखा देखावा यावर्षी साकारला आहे.यात देवाचे देव महादेव यांचा हिमालयातील अनोखा देखावा साकारला आहे. यामध्ये शाडूच्या माती,पुठ्ठा, रांगोळी,कागद,लाकूड, लाकडाचा भुसा,दगड,रंग, बाबू,खळ,गोनपाट आणि नैसर्गिक पाने व फुले वापरून पर्यावरणपूरक देखावा साकारला आहे. दरवर्षी इको फ्रेंडली देखावा कुलकर्णी परिवाराच्या वतीने तयार केला जातो. आणि देखाव्यातील सर्व निर्माल्य यापासून नैसर्गिक उदबत्ती तयार करणार असल्याचे कुलकर्णी परिवाराच्या वतीने सांगण्यात आले आहे.परिसरातील महिला देखावा पाहण्यासाठी गर्दी करत आहेत.