आशाताई बच्छाव
शिवशाहू प्रतिष्ठान मुंबई व बृहन्मुंबई वृत्तपत्र विक्रेता संघ यांच्या वतीने दहावी व बारावी उत्तीर्ण विद्यार्थ्यांचा गुणगौरव सोहळा आयोजित
मुंबई :- ( प्रतिनिधी विजय पवार )
शिवशाहू प्रतिष्ठान मुंबई व बृहन्मुंबई वृत्तपत्र विक्रेता संघ यांच्यावतीने इयत्ता दहावीच्या व बारावीच्या गुणवंत विद्यार्थ्यांचा गुणगौरव सोहळा व करिअर मार्गदर्शन आयोजित करण्यात आले आहे. हा कार्यक्रम रविवार दिनांक ९ जुलै २०२३ रोजी सायंकाळी ७.३० वाजता दामोदर हॉल परळ येथे संपन्न होणार आहे.
वर्तमानपत्राच्या वाचनाने विद्यार्थी, तरुण युवक आणि सर्वच वयोगटातील व्यक्तींचे व्यक्तिमत्व आणि ज्ञान समृद्ध होण्यास मदत होते.
म्हणूनच न भूतो न भविष्यती अशी एक वर्तमानपत्राशी संबंधित शपथ या कार्यक्रमामध्ये उपस्थित सर्व विद्यार्थी व पालक घेणार आहेत. वर्तमानपत्राशी निगडीत अशी कोणती शपथ घेणार आहे, हे पाहण्यासाठी व ऐकण्यासाठी सर्वांनी आवर्जून या कार्यक्रमाला उपस्थित रहावे असे आवाहन आयोजकांच्या वतीने करण्यात आले आहे.
