आशाताई बच्छाव
मुलीच्या लग्नासाठी घरपोच आली एक क्विंटल साखर
समृद्धी कारखान्याची शेतकऱ्यांसाठी योजना
घनसावंगी/जालना,(दिलीप बोंडे ब्युरो चीफ)-: ऊस उत्पादक सभासद शेकऱ्यांसाठी समृद्धी साखर कारखान्याने एक क्विंटल साखर मोफत देण्याची योजना सुरू केली आहे. ही साखर मुलीच्या लग्नासाठी देण्यात येत आहे. या योजने अंतर्गत घनसावंगी तालुक्यातील मुर्मा व खडका येथील शेतकऱ्यांना कारखान्यामार्फत घरपोच साखर वितरीत करण्यात आली.
मुर्मा येथील कारखान्याचे सभासद तान्हाजी किसन गपाट व खडका येथील कांताभाऊ हरिभाऊ जाधव यांच्या मुलीच्या लग्नासाठी समृद्धी साखर कारखान्याने कन्यादान म्हणून एक क्विंटल साखर घरपोच दिली. यावेळी कारखान्याचे शेख , आनंदे , उढाण , हरिश्चंद्र भोसले, मंगेश मुकणे, बिभीषण गपाट व गावकरी उपस्थित होते. तर खड्का येथे ऍग्रो असिस्टंट उढाण यांच्यामार्फत ही साखर पोहच करण्यात आली. यावेळी शेषनारायण जाधव, दिपक जाधव, विलास जाधव, संकेत जाधव व सोमनाथ जाधव उपस्थित होते. कारखान्याचे चेअरमन सतीश घाटगे पाटील यांच्या माध्यमातून घरपोच आलेल्या या मदतीने दोन्ही शेतकरी कुटुंब भारावून गेले. त्यांनी कारखान्याचे चेअरमन सतीश घाटगेना संपर्क करून मदतीबद्दल आभार मानले. तसेच विवाह सोहळ्याचे आग्रहाचे आमंत्रण दिले.
