आशाताई बच्छाव
महात्मा बसवेश्वर महाराजांच्या पुतळ्याचे काम त्वरित सुरू करा
अंबादास पाटिल पवार
लोहा/प्रतिनिधी
लोहा न.पा.च्या प्रगणांत जगतज्योती महात्मा बसवेश्वर महाराज यांच्या पुतळ्याचे काम तात्काळ सुरू करावे अशी मागणी शिवा संघटनेच्या वतीने लोहा न.पा. चे नगराध्यक्ष गजानन सुर्यवंशी व मुख्याधिकारी व्यंकटेश मुंडे यांच्याकडे निवेदनाद्वारे केली आहे.
शिवा संघटनेचे राष्ट्रीय अध्यक्ष प्रा मनोहर धोंडे यांच्या मार्गदर्शनाखाली शिवा संघटनेचे लोहा तालुकाध्यक्ष हनुमंत भाऊ लांडगे यांच्या नेतृत्वाखाली दि.(२२) जुन रोजी लोहा न.पा.त शिवा संघटना तालुका शाखा लोहाच्या वतीने लोहा न.पा.चे नगराध्यक्ष गजानन सुर्यवंशी व मुख्याधिकारी व्यंकटेश मुंडे यांची प्रत्यक्ष भेट घेऊन चर्चा करून निवेदन देण्यात आले.
निवेदनात पुढे असे नमूद केले की, वरील विषयास अनुसरून आपल्या निदर्शनास आणू इच्छितो की, नगर पालीका लोहाच्या ठरावानुसार नगर पालीकेच्या प्रांगणात लोकशाही चे जनक महात्मा बसवेश्वर महाराज यांच्या पुतळ्याच्या चबुतऱ्याचे बांधकाम आठ दिवसांच्या आत भूमीपूजन करून चालू करण्यात यावे व महात्मा बसवेश्वर महाराज यांच्या पुतळ्याचे काम येणाऱ्या न.पा. निवडणुकीपूर्वी महात्मा बसवेश्वर महाराज यांचा अश्वारूढ पुतळा बसविण्यात यावा अन्यथा शिवा संघटना तालुका शाखेच्या वतीने तीव्र आंदोलन छेडण्याचा इशारा ही निवेदनाद्वारे दिला आहे.
यावेळी शिवा संघटनेचे लोहा तालुकाध्यक्ष हनुमंत भाऊ लांडगे, तालुका उपाध्यक्ष साधू पाटील वडजे , उपाध्यक्ष अंकुश सोनवळे, शहराध्यक्ष सुर्यकांत आणेराव, सामाजिक कार्यकर्ते बाबाराव शेटे, शिवा विद्यार्थी आघाडीचे जिल्हाध्यक्ष शुभम भाऊ घोडके, विद्यार्थी आघाडीचे तालुकाध्यक्ष राजकुमार पिल्लोळे, शिवा व्यापारी आघाडीचे जिल्हा उपाध्यक्ष गणेश घोडके, शिवा व्यापारी आघाडीचे तालुकाध्यक्ष ज्ञानेशवर मानसपुरे, मनोज शेलगावकर, लक्ष्मण कांजले,अजय कांजले मलकू अप्पा शेटे, नागनाथ आरळे, नागेश आरळे, गजानन आणेराव , शेखर शेटे, कपिल नवघरे, अरुण नाईकवाडे, संगमेश्वर चपटे, हरी वडे यांच्या सह मोठ्या संख्येने कार्यकर्ते उपस्थित होते.