आशाताई बच्छाव
श्री संजय वाघमारे पुणे, हवेली तालुका प्रतिनिधी: एका पित्याने केली पूर्ण कुटुंबाची हत्या; दौंड तालुक्यातील वरवंड या गावी एक खळबळजनक घटना घडली. या घटनेमध्ये डॉ. अतुल शिवाजी दिवेकर वय वर्ष ४२, राहणार चैताली पार्क वरवंड यांनी स्वतः गळफास घेऊन आत्महत्या केली आहे. त्यांनी लिहिलेल्या चिठ्ठी मध्ये असे सांगितले आहे की, माझी पत्नी पल्लवी वय ३९, मुलगा अद्वित वय ९, मुलगी वेदांती वय ६ यांना मी स्वतः जीवे मारले असल्याची कबुली दिली. पत्नीची गळा दाबून हत्या केली, तर दोन लहान मुलांना विहिरीत ढकलून त्यांनाही जिवे मारले. डॉ. अतुल दिवेकर यांनी सांगितले की कौटुंबिक वादातून हे पाऊल उचलले आहे .माझी पत्नी मला सतत त्रास देत होते. त्यामुळे मला हे करावे लागले असे त्यांनी या चिठ्ठी मध्ये लिहिले आहे. डॉ. अतुल दिवेकर हे जनावरांचे डॉक्टर आहेत. तर त्यांची पत्नी पल्लवी ही श्री गोपीनाथ माध्यमिक विद्यालय वरवंड या ठिकाणी शिक्षिका आहे. या घटनेची माहिती मिळताच यवत पोलीस स्टेशनचे पोलीस निरीक्षक हेमंत शेंडगे त्यांच्यासह यवत व पाटस पोलिसांनी घटनास्थळी धाव घेतली व तेथील सदर घटनेचा आढावा घेत पुढील चौकशीचे आदेश दिले आहेत.
