आशाताई बच्छाव
जिल्हा काँग्रेस औद्योगीक सेलच्या जिल्हाध्यक्षपदी प्रमोद आल्हाट यांची नियुक्ती
जालना (दिलीप बोंडे ब्युरो चीफ) ः जालना जिल्हा काँग्रेस औद्योगीक सेलच्या जिल्हाध्यक्षपदी काँग्रेस पक्षाचे सक्रीय कार्यकर्ते प्रमोद शामराव आल्हाट यांची महाराष्ट्र प्रदेश काँग्रेस औद्योगीक सेलचे अध्यक्ष डॉ. हेमंत सोनारे यांनी एका नियुक्तीपत्राद्वारे नुकतीच नियुक्ती केली आहे.
जालना जिल्ह्यातील काँग्रेस पक्षाचे सक्रीय कार्यकर्ते प्रमोद शामराव आल्हाट हे गेल्या पंधरा वर्षापासून काँग्रेस पक्षाचे सक्रीय कार्यकर्ते आहेत. त्यांचे पक्ष आणि समाजिक कार्य पाहून सदरील नियुक्ती करण्यात आली आहे. प्रदेशाध्यक्ष श्री. डॉ. सोनारे यांनी नियुक्तीपत्रात म्हटले आहे की, काँग्रेस पक्षाच्या नेत्या श्रीमती सोनिया गांधी, राष्ट्रीय अध्यक्ष मलिकार्जुन खर्गे, खा. राहुल गांधी, महाराष्ट्र प्रदेश काँग्रेस कमिटीचे अध्यक्ष आ. नानाभाऊ पटोले यांच्या नेतृत्वाखाली जालना जिल्ह्यात पक्षाचे सक्रीयपणे काम करून पक्ष संघटना अधिक मजबूत करावी असे म्हटले आहे.
जिल्हाध्यक्षपदी प्रमोद आल्हाट यांची नियुक्ती झाल्याबद्दल आ. कैलास गोरंट्याल, जिल्हाध्यक्ष राजाभाऊ देशमुख, आ. राजेश राठोड, जिल्हा कार्याध्यक्ष राजेंद्र राख, शहर काँग्रस कमिटीचे अध्यक्ष शेख महेमूद, गटनेते गणेश राऊत, महिला जिल्हाध्यक्षा नंदाताई पवार, डॉ. विशाल धानुरे, विश्वास आल्हाट, गणेश चांदोडे, संतोष खाजेकर, अजिंक्य निकाळजे, जोसेफ आल्हाट, दिपक आव्हाड, चंद्रकांत आल्हाड, प्रफुल पांडव आदींनी अभिनंदन केले आहे.
——–
शेख महेमूद,
अध्यक्ष, जालना शहर काँग्रस कमिटी