आशाताई बच्छाव
राजधानी दिल्ली पुन्हा एकदा एका हत्येच्या घटनेने हादरली
नवी दिल्ली : ( विजय पवार प्रतिनिधी )
राजधानी दिल्लीत एक हादरवणारी घटना घडली आहे. शाहाबाद डेअरी परिसरात रविवारी रात्री एका अल्पवयीन मुलीची चाकूने भोसकून अत्यंत निर्दयीपणे हत्या करण्यात आली आहे. एक-दोन नव्हे, साहिलने साक्षी नावाच्या तरुणीवर २१ वेळा चाकूने वार केले. साहिलने साक्षीवर एकामागून एक अनेक वार केले आणि नंतर तिला दगडाने ठेचले. ज्या वेळी साहिल साक्षीला मारत होता, त्यावेळी बरेच लोक तिथे उपस्थित होते पण कोणीही तिली वाचवू शकले नाही. याउलट लोक ही सारी घटना पाहत राहिले.पोलिसांनी साहिलला उत्तर प्रदेशातील बुलंदशहर येथून अटक केली आहे.
साक्षीच्या आईचा आक्रोश पाहून अंगावर काटा उभा राहिल. साक्षीच्या आईच्या डोळ्यातून अश्रू थांबत नाहीयेत. साहिलला फाशीची शिक्षा व्हावी अशी मागणी त्यांनी केली आहे.
