🛑 पहिला सीएनजी पंप जेलरोडला 🛑

🛑 पहिला सीएनजी पंप जेलरोडला 🛑

✍️( विजय वसंत पवार महाराष्ट्र प्रतिनिधी युवा मराठा न्युज )

नाशिक, 25 सप्टेंबर : ⭕ नाशिक शहरातील पहिला सीएनजी पंप सुरू करण्याचा मान जेलरोडच्या आढाव पेट्रोलपंपाला मिळाल्याची माहिती संचालक ॲड. मुकुंद आढाव यांनी दिली.

भारत पेट्रोलियमचे प्रादेशिक व्यवस्थापक ए. राजा, अभियंता स्वप्नील पटेल, विक्री अधिकारी आशुतोष पटवर्धन, महाराष्ट्र नॅचरल गॅस कंपनीचे नाशिक-धुळे-बलसाड प्रमुख संदीप श्रीवास्तव, पेट्रोलियम डीलर जयश्री आढाव यांच्या प्रमुख उपस्थितीत या पंपाचा प्रारंभ करण्यात आला. वाहतुकीचे टँकर पुरेसे येत नसल्यामुळे सीएनजीचा पुरवठा कमी होत आहे. आढाव पेट्रोलियम येथे केवळ दोन टँकरचा पुरवठा होत असल्याने सकाळी अकरापर्यंत सीएनजी संपते. महाराष्ट्र नॅचरल गॅस लिमिटेडने त्वरित व्यवस्था करणे आवश्यक असल्याचे आढाव यांनी सांगितले.

तिहेरी फायदे सीएनजी हे प्रदूषणविरहित इंधन असून, पेट्रोलपेक्षा स्वस्त आहे. प्रदूषण कमी होते. वाहनाचा ॲव्हरेज जास्त मिळतो. त्यामुळे नाशिककरांची सीएनजी पंप सुरू करण्याची मागणी होती. सीएनजीचा दर प्रतिकिलो ५९.८० रुपये आहे. पेट्रोलचा दर प्रतिलिटर ८८.२५ रुपये आहे. कमी पैशांत पेट्रोलपेक्षा दुप्पट अॅव्हरेज मिळतो. कारला सीएनजी किट बसविण्यासाठी ३५ ते ४० हजार, तर रिक्षाला २० ते २५ हजार खर्च येतो. आरटीओद्वारे आरसी बुकवर नोंद करून घ्यावी लागते. सध्या मुंबई-पुण्याच्या ग्राहकांचीच सीएनजीसाठी गर्दी होत आहे.⭕