आशाताई बच्छाव
पाण्याच्या शोधार्थ रस्ता ओलांडताना अज्ञात वाहनाची वानरास धडक ; मृत वानरावर विहीप बजरंग कार्यकर्त्यांनी केले अंत्यसंस्कार
अंबादास पाटील पवार
लोहा / प्रतिनिधी
मागील कांहीं वर्षात यंदा वातावरणातील तापमान प्रचंड वाढले असून मनुष्य मात्रा सह मुक्या वन्य प्राण्यांनाही उन्हाची दाहकता असह्य झाल्याचे दिसून येत आहे. जंगलातील जलसाठे कोरडे पडल्यामुळे वन्य प्राणी मिळेल त्या ठिकाणी पाणी शोधत फिरताना आढळून येत आहेत. लोहा गंगाखेड हा राज्य रस्ता ओलांडून सुने गाव तलावाच्या दिशेने रस्ता ओलांडणाऱ्या वानरास अज्ञात वाहनाने जोराची धडक दिली त्यात सदरील वानर हे जागीच गतप्राण झाले. सदरील घटना दि. २६ रोजी सकाळी नऊ वाजताच्या सुमारास घडली. मृत वानरावर विश्व हिंदू परिषद व बजरंग दलाच्या पदाधिकाऱ्यांनी अंत्यसंस्कार केले.
आजघडीला मे महिण्याचा अंतिम कालावधी असून सूर्य देवता आग ओकत आहे. वातावरणातील तापमानामुळे बहुतांश जलसाठे कोरडेठाक पडले असल्याने मानवासह वन्य प्राणी पाण्याच्या शोधार्थ इतरत्र भटकंती करत आहेत. सूनेगाव तलाव पूर्णतः आटल्याने तलावातील डबक्यात साचलेले पाणी पिण्यासाठी वन्य प्राणी तसेच पक्षी तलावाकडे धाव घेत आहेत. दि. २६ रोजी शुक्रवारी सकाळी नऊ वाजताच्या सुमारास एक वानर सुनेगाव लगत लोहा गंगाखेड रस्ता ओलांडत होते. त्याच दरम्यान भरधाव वेगातील एका अज्ञात वाहनाने वानरास जबर धडक दिली त्यात वानर जागीच ठार झाले सदरील माहिती उपस्थित बालाजी पगडे, देविदास वाघमारे या शेतकऱ्यानी विहीप च्या पदाधिकाऱ्यांना दिली असता विश्व हिंदू परिषदेचे तालुकाध्यक्ष अंबादास पाटिल पवार, बजरंग दलाचे तालुका संयोजक गणेश पाटिल कल्याणकर,
यीन चे जिल्हा उपाध्यक्ष
दिनेश पाटील पवार, राजेश पाटिल कुटे, अफरोज शेख, स्वप्निल जाधव, महेश जाधव आदींनी हिंदू रीतिरिवाज व परंपरेनुसार मृत वानरावर अंत्यसंस्कार केले. यावेळी वनविभागाचे वनपाल परमेश्वर घुगे यांनी घटनेचा पंचनामा केला.
