आंशुराज पाटिल मालेगाव कार्यालय
व-हाणे सरपंच अपात्रतेसाठी सोमवारी याचिका दाखल होणार मालेगांव ,(विजय चांदणे प्रतिनिधी युवा मराठा न्युज नेटवर्क)- व-हाणे, ता.मालेगांव येथील सरपंच सौ.अनिता भरत पवार यांचे सरपंचपद अपात्र करण्यासाठी सोमवार (दि.१७ एप्रिल) रोजी विभागीय आयुक्तांकडे याचिका दाखल करणार असल्याची माहिती युवा मराठा महासंघाचे संस्थापक अध्यक्ष राजेंद्र पाटील राऊत यांनी दिली. याबाबत प्रसिध्दीस दिलेल्या पत्रकात म्हटले आहे की,सरपंच सौ.अनिता भरत पवार यांनी पदाचा गैरवापर करीत ग्रामसेविका श्रीमती सुवर्णा सांळुखे या व-हाणे गावात वास्तव्यास नसताना सुध्दा शासनाची फसवणूक करण्याच्या उद्देशाने खोटे व बनावट कागदपत्र बनवून शासनाकडून लाखो रुपये घरभाडे भता लाटला आहे.बनावट व खोटे कागदपत्र बनवून ग्रामसेविका सांळुखे या व-हाणे गावात ज्या व्यक्तीच्या घरात राहत असल्याचे दाखविण्यात आले,प्रत्यक्ष त्या व्यक्तीनेच स्वतः नोटरी प्रतिज्ञापत्र मालेगांवचे गटविकास अधिकारी भरत शामराव वेंदे यांच्याकडे सादर करून,प्रतिज्ञापत्रात स्पष्ट म्हटले आहे की,ग्रामसेविका सांळुखे या कधीच माझ्या घरात वास्तव्यास नव्हत्या व आजही नाहीत.त्यामुळे सरपंच व ग्रामसेवकाने पदाचा गैरवापर केलेला असल्याने त्यांचेवर कारवाईची मागणी नोटरी प्रतिज्ञापत्रातून करण्यात आलेली आहे.दरम्यान याच प्रश्नवर दिनांक १० एप्रिल पासून युवा मराठा महासंघाचे राजेंद्र पाटील राऊत यांनी मालेगांव पंचायत समिती समोर आमरण उपोषण आंदोलन सुरु केलेले असून,आज उपोषणाचा चौथा दिवस,असल्याने उपोषणार्थी आपल्या मागण्यांवर ठाम असून,सरपंच सौ.पवार यांना अपात्र करण्याबरोबरच ग्रामसेविकेस तडकाफडकी निलंबित करण्याची मुळ मागणी असल्याचे पत्रकात म्हटले आहे.