आशाताई बच्छाव
सोनई परिसरात तरूणाई मटक्याच्या आहारी? मटका, जुगार, अवैध दारू विक्री जोरात
कमलेश शेवाळे ब्युरो चीफ अहमदनगर
मटका व्यवसायाला पुर्णता बंदी घातलेली असली तरी तालुक्यातील सोनई परिसरात अवैध मटका राजरोसपणे चालू आहे. गावांतील मुख्य रस्त्यावर, पोलीस ठाण्याच्या हद्दीत व चौका- चौकात मटका तेजीत असताना पोलिस मात्र त्याकडे दुर्लक्ष करत असले तरी सामान्य नागरीक मात्र हैराण झाले आहेत.खुलेआम मोक्याच्या ठिकाणी चालणाऱ्या या मटक्यामुळे शाळकरी अनेक मुले या मटक्याच्या आकडेमोडीत गुंतत चालले आहेत. या व्यावसायीकांशी अनेक मध्यस्थी करून या अवैध व्यवसायाकडे वरिष्ठ अधिकाऱ्यांनी लक्ष घालून कारवाई करण्याची मागणी केली जात असून अवैध व्यवसायाला खतपाणी घालणाऱ्यांची देखील चौकशीची मागणी जोर धरत आहे.अनेक वेळा सोनई येथे सर्रास मटका सुरू असल्याचे उघड झाले होते.त्या घटनेनंतर खडबडून जागे झालेल्या पोलिस प्रशासनाने कारवाईचा केवळ फार्स ठरला असून पुन्हा काही दिवसातच या मटका बुकी यांनी पुन्हा जोर धरला आहे.पोलिसांना सर्वकाही दिसत असून डोळ्यावर पट्टी बांधल्याच्या भुमिकेतून डोळेझाक केली जात आहे.तसेच वरिष्ठ अधिकारी विभागाचा आशीर्वाद असल्याने दिवसेंदिवस अवैध मटक्याच्या दुकानांमध्ये वाढ होताना दिसत आहे.
विविध पक्षांच्या वतीने या अवैध धंद्या बद्दल निवेदन देण्यात आले होते मात्र नेहमी प्रमाणे केराची टोपली दाखवण्यात आली.मटका घेणाऱ्या दुकानांची संख्या वाढली असून शहरात अनेक ठिकाणी मटका सर्रास पणे सुरू आहे मटका घेणाऱ्या मटक्याच्या दुकानांवर छापे टाकतात व तेथील पंटरवर गुन्हा दाखल करून कायदेशीर प्रक्रिया पार करून त्याला सोडून दिले जाते.त्यामुळे मटका चालवणारे आता बिनधास्त पणे खुलेआम हा व्यवसाय करत आहेत. व्यावसायीकाकडून गंगाजळी देत असल्याचे बोलले जाते.जोमाने फोफावलेल्या या अवैध व्यवसायांवर कारवाई करण्याची मागणी नागरिकांमधून केली जात आहे.