आशाताई बच्छाव
देगलूर महाविद्यालयातील चार विद्यार्थी स्पर्धा परीक्षेत यशस्वी
देगलूर.
देगलूर तालुका प्रतिनिधी,(गजानन शिंदे)
अडत व्यापारी शिक्षण संस्था संचलित देगलूर महाविद्यालयातील स्पर्धा परीक्षा मार्गदर्शन केंद्रातील चार माजी विद्यार्थी महाराष्ट्र लोकसेवा आयोगाच्या परीक्षेत यशस्वी झाले आहेत.सहायक सहकार अधिकारी पदावर कडलवार सचिन तर कर सहायक या पदावर भंडरवार श्यामसुंदर, गुडलावार राहुल, निम्मलवार नागेश यांची नुकतीच निवड झाली आहे.या निमित्त महाविद्यालयातील स्पर्धा परीक्षा मार्गदर्शन केंद्राच्या वतीने गुणवंत विद्यार्थ्यांचा सत्कार व मार्गदर्शन पर कार्यक्रम आयोजित करण्यात आला होता. या कार्यक्रमाचे अध्यक्षस्थानी महाविद्यालयाचे प्राचार्य डॉ.मोहन खताळ हे होते,तर प्रमुख उपस्थितीत कनिष्ठ महाविद्यालयाचे उपप्राचार्य प्रा.उत्तमकुमार कांबळे, सत्कारमूर्ती कडलवार सचिन, भंडरवार श्यामसुंदर,निम्मलवार नागेश, गुडलावार राहुल,हे होते.सर्व प्रथम गुणवंत विद्यार्थ्यांचा महाविद्यालयाच्या वतीने प्राचार्य डॉ मोहन खताळ यांनी शाल व पुष्पहार देऊन सत्कार केला. त्यानंतर सत्काराला उत्तर देताना गुणवंत विद्यार्थ्यांनी आपल्या अनुभव कथनातुन महाविद्यालयाने आपली जडणघडण कशी केली ते सांगुन त्यांनी आपल्या यशाची मुळ प्रेरणा देगलूर महाविद्यालय असल्याचे सांगितले. त्यानंतर उपस्थित विद्यार्थ्यांना प्रेरणा मिळाली म्हणून महाराष्ट्र लोकसेवा आयोगाच्या परीक्षेत पोलीस उपअधीक्षक या पदावर निवड झालेल्या संतोष खाडे या ऊसतोड कामगाराच्या मुलाचे युट्यूब वरील भाषण ऐकविण्यात आले. यानंतर कनिष्ठ महाविद्यालयाचे उपप्राचार्य प्रा.उत्तमकुमार कांबळे यांनी समोचीत भाषण झाले.शेवटी कार्यक्रमाचे अध्यक्ष प्राचार्य डॉ मोहन खताळ यांनी आपल्या अध्यक्षीय भाषणात विद्यार्थ्यांनी महाविद्यालयातील स्पर्धा परीक्षा केंद्राच्या वतीने राबविण्यात येणाऱ्या विविध उपक्रमांची माहिती देऊन विद्यार्थ्यांनी त्याचा जास्तीत जास्त लाभ घेऊन आपले व महाविद्यालयाचे नाव उंचवावे असे आवाहन त्यांनी विद्यार्थ्यांना केले. कार्यक्रमाचे सूत्रसंचालन पर्यवेक्षक प्रा.संग्राम पाटील यांनी केले तर आभार प्रा.शिवचरण गुरुडे यांनी केले.या प्रसंगी स्पर्धा परीक्षा मार्गदर्शन केंद्र संयोजक डॉ.संजय देबडे, डॉ माधव चोले, डॉ.सुरेश काशिदे डॉ ए. आर डांगे, प्रा.शेरीकर व्यंकट,प्रा .प्रमोद गुजे प्रा. नागरगोजे, प्रा. चिद्रावार प्रा.सौ. तोंडारे यांच्यासह विद्यार्थी मोठ्या संख्येने उपस्थित होते.
महाराष्ट्र लोकसेवा आयोगाच्या परीक्षेत देगलूर महाविद्यालयातील चार विद्यार्थी यशस्वी झाल्याबद्दल अडत व्यापारी शिक्षण संस्थेचे अध्यक्ष प्रकाश पाटील बेंबरेकर, सचिव शशिकांत चिद्रावार ,उपाध्यक्ष नारायणराव मैलागीरे, सहसचिव सुर्यकांत नारलावार, कोषाध्यक्ष विलास तोटावार व कार्यकारिणी मंडळ सदस्य राजकुमार महाजन, डॉ कर्मवीर उंग्रतवार , जनार्दन चिद्रावार ,गंगाधर जोशी, रवींद्र अप्पा द्याडे. देवेंन्द्र मोतेवार , चंद्रकांत नारलावार,प्राचार्य डॉ. मोहन खताळ ,ऊपप्राचार्य डॉ अनिल चिद्रावार, उपप्राचार्य प्रा. ऊतमकुमार कांबळे , पर्यवेक्षक प्रा. संग्राम पाटील , स्पर्धा परीक्षा मार्गदर्शन केंद्र समन्वयक डॉ. एस. एम देबडे , कार्यालय अधीक्षक गोविंद जोशी यांच्यासह सर्व प्राध्यापक, कर्मचारी व विद्यार्थी यांनी यशस्वी विद्यार्थ्यांचे अभिनंदन केले आहे.
