“सामनातील राऊत बंधूनी दिलेली जाहिरात चर्चेत! शिंदे गटाच्या वर्मी घाव.

आशाताई बच्छाव

“सामनातील राऊत बंधूनी दिलेली जाहिरात चर्चेत! शिंदे गटाच्या वर्मी घाव.

भास्कर देवरे ( युवा मराठा न्युज नेटवर्क)

उद्या हिंदुहृदयसम्राट बाळासाहेब ठाकरे यांची जयंती असून त्यानिमित्ताने राऊत बंधूनी दिलेली सामनातील या वृत्तपत्रातील जाहिरात चर्चेचा विषय ठरतेय. या जाहिरातीतून राऊत बंधूनी शिंदे गटाच्या वर्मी घाव घातला आहे. 40 गद्दारांना गाडून पुन्हा उभे राहणार. तेव्हाच बाळासाहेब अभिवादन केल्याचे समाधान ठाकरेंना अभिवादन शिवसैनिकांना होईल, असे यात संजय – सुनील राऊत यांनी म्हटले आहे. त्यामुळे राऊतांनी पुन्हा एकदा शिंदे गटाला डिवचले आहे. या जाहिरातीची राजकीय वर्तुळात चर्चा होत असून
समाजमाध्यमांवर चांगलीच झळकत आहे.
उद्या सोमवार (दि.२३) बाळासाहेब ठाकरे यांची जयंती आहे. शिवसैनिकांसाठी मोठा दिवस आहे. बाळासाहेब ठाकरे यांचे विचार घेऊन आजही शिवसैनिक त्यांच्या विचारांवर चालत आहे. ठाकरेंना मानणारा एक मोठा वर्ग आहे. तसेच बाळासाहेब ठाकरे यांच्या जंयतीनिमित्त उद्या पक्षप्रमुख उद्धव ठाकरे हे शिवसैनिकांशी संवाद साधणार आहेत.
उद्याच्या जयंतीनिमित्त खासदार संजय राऊत आणि आमदार सुनील राऊत यांनी सामना या वृत्तपत्राच्या मुखपृष्ठावर जाहिरात दिली आहे. यामधून शिंदे गटाला डिवचण्याचा प्रयत्न केला असून या जाहिरातीची चर्चा रंगलीय.

जाहिरातीतील आशय

‘साहेब मी गद्दार नाही. गेलेल्या 40 गद्दारांना गाडून पुन्हा त्याच उमेदीने उभे राहू तेव्हाच तुम्हाला खर्या अर्थाने अभिवादन केले याचे समाधान आमच्या सारख्या शिवसैनिकांना होईल.’