आशाताई बच्छाव
आजची मेजवानी
(शुक्रवार २० जानेवारी)
तिळगुळ डिंक वडी
(युवा मराठा न्युज नेटवर्क)
साहित्य
1. 1 वाटी तीळ भाजून त्याचे भरड कूट
2. 1/2 वाटी शेंगदाणे भाजून साले काढून त्याचे कूट
3. 1/4 वाटी डिंक तुपात तळून
4. 1/2 चमचा सुंठ पावडर
5. 2 चमचे दुध
6. 3-4 चमचे तूप
7. 1 वाटी गूळ चिरलेला
कुकिंग सूचना
गरम कढई मध्ये 2चमचे तूप घालून ते विरघळले की गूळ घालायचा व त्यात 2चमचे दुध घालायचे.गूळ सतत हलवत राहायचा, गूळ पूर्ण विरघळाला की, थोडे बुडबुडे येऊ लागतात. गॅस बंद करायचा.त्यामध्ये तीळकुट, शेंगदाणा कूट, सुंठ, तळलेला डिंक थोडा चुरून सर्व मिक्स करायचे. हलवत राहायचे मिश्रण कढई पासून थोडे वेगळे होऊ लागते तेंव्हा, तूप लावलेल्या ताटात ओतायचे व तूप लावलेल्या वाटीने एकसारखे करून वरती खोबऱ्याचा खिस घालून पुन्हा एकदा वाटी फिरवायची व वड्या कट करायच्या. गार झाल्यावर सुट्ट्या करून डब्यात भरून ठेवायच्या. मिश्रण जर पातळ वाटले तर अजून 2मि गॅस वर ठेवायचे व मिश्रण जर खुप पुढे गेले वाटले तर थोडे 1चमचा दुध घालून गॅस वर अगदी थोडा वेळ ठेऊन मऊ झाल्यावर वड्या साठी ताटात घालावे.