आशाताई बच्छाव
चामोर्शी तालुका क्रीडांगणाच्या कामाला लवकरच बांधकामाला होणार सुरुवात
आमदार डॉक्टर देवरावजी होळी गडचिरोली,(सुरज गुंडमवार ब्युरो चीफ युवा मराठा न्युज नेटवर्क)
आमदार डॉक्टर देवरावजी होळी यांच्या उपस्थितीमध्ये चामोर्शी क्रीडांगणाच्या सफाई कामाला सुरुवात
क्रीडांगणाच्या परिसराची आमदार डॉक्टर देवरावजी होळी यांनी केली पाहणी
मागील अनेक वर्षांपासून बांधकामाच्या प्रतीक्षेत असलेल्या चामोर्शी तालुका क्रीडांगणाच्या बांधकामाला लवकरच सुरुवात होणार असल्याची माहिती आमदार डॉक्टर देवरावजी होळी यांनी दिली आहे
आमदार डॉक्टर देवरावजी होळी यांच्या उपस्थितीमध्ये या क्रीडांगणाच्या परिसराच्या स्वच्छतेच्या, साफसफाईच्या कामाचा शुभारंभ करण्यात आला.
यावेळी तालुका क्रिडा अधिकारी भटकलवारजी , मोजनी अधिकारी ठाकरेजी, भाजपा तालुका अध्यक्ष दिलीपजी चलाख, बंगाली आघाडीचे जिल्हाध्यक्ष सुरेशजी शाहा , तालुका महामंत्री साईनाथजी बुरांडे,प्रतीक राठी,विजयजी गेडाम,राकेश खेवले ,राकेश बेलसरे,पुरुषोत्तम बोरकूटे, तारक हलदार,पोषक गेडाम, यांचे सह भाजपा पदाधिकारी कार्यकर्ते व स्थानिक नागरिक प्रामुख्यानं उपस्थित होते.
चामोर्शी तालुक्याच्या क्रीडांगणासाठी सातत्याने आमदार डॉक्टर देवरावजी होळी प्रयत्नरत असून या कामाला प्रथम प्राधान्याने कशी सुरुवात करता येईल यासाठी ते काम करीत आहेत. यासंबंधित विभागाचे अधिकारी यांच्या वारंवार बैठका घेवून त्याबाबत संपर्कात आहेत. त्याचबरोबर राज्य सरकारकडून त्यासाठी लागणाऱ्या आवश्यक निधीसाठी त्यांनी विविध मंत्र्यांच्या भेटी घेतलेल्या आहेत. आपल्या प्रयत्नातून लवकरच यासाठी लागणारा निधी उपलब्ध होणार असून लवकरच या क्रीडांगणाच्या बांधकामाला सुरुवात होणार असल्याची माहिती या परिसराची पाहणी करताना आमदार डॉक्टर देवरावजी होळी यांनी दिली.