आशाताई बच्छाव
देवेंद्रप्रताप सोमवंशी व दीपक म्हसाळ यांची नियुक्ती
जळगाव (जा), सतिश पाटील प्रतिनिधी युवा मराठा न्युज नेटवर्क : देशातील शेतकऱ्यांच्या समस्या आणि विविध प्रश्नांसाठी सातत्याने लढा देणारी संघटना किसान एकता संघाच्या राष्ट्रीय सचिवपदी तालुक्यातील आसलगाव येथील देवेंद्र प्रताप सोमवंशी यांची तर महाराष्ट्र प्रदेश सचिवपदी स्थानिक दीपक म्हसाळ यांची नियुक्ती करण्यात आली आहे. सदर नियुक्ती ही संघाचे राष्ट्रीय अध्यक्ष सोरेन प्रधान यांनी एका नियुक्तीपत्रद्वारे केली आहे. किसान एकता संघाचे कार्य व संघटन अधिक प्रभावशाली होण्याच्या दृष्टीने देवेंद्र प्रताप सोमवंशी व दीपक म्हसाळ यांची नियुक्ती झाली आहे. मागील दोन वर्षाच्या काळात दीपक म्हसाळ यांनी 13800 हून जास्त शेतकऱ्यांच्या कर्जमुक्ती आणि पीक विमा मिळवून देण्यासाठी सरकारकडे तक्रारी दाखल करून कर्जमुक्ती आणि पीक विमा पासून वंचित असलेल्या शेतकऱ्यांना न्याय मिळवून दिला आहे