आशाताई बच्छाव
जिंतूर तालुक्यात बैलपोळा सण मोठ्या उत्साहात साजरा
शत्रुघ्न काकडे पाटील:-ब्युरो चिफ (युवा मराठा न्युज नेटवर्क परभणी)
शेतकऱ्यांसाठी बैलपोळा हा सण अत्यंत महत्त्वाचा मानला जातो. बैलपोळा हा सन ग्रामीण भागात मोठ्या उत्साहात साजरा करण्यात येतो. शेतकऱ्यांच्या शेतात वर्षभर राबणाऱ्या बैलांप्रति कृतज्ञता व्यक्त करण्यासाठी, हा सन शेतकऱ्यांकडून मोठ्या उल्लासात साजरा करण्यात येत असतो. त्याचाच एक भाग म्हणून आज शुक्रवारी जिंतूर तालुक्यातील कावी सह तालुक्यातील ग्रामीण भागात बैलपोळा सण मोठ्या उत्साहात साजरा करण्यात आला.
ग्रामीण भागात बैलांना सजवून, हनुमानाच्या मंदिरात प्रदक्षिणा घालत गावभर बैलांच्या मिरवणुका काढण्यात आल्या. तसेच बैलांना पुरणपोळीचा नैवेद्य देऊन हा सण उत्साहात साजरा करण्यात आला.
