आशाताई बच्छाव
आ.मेघना साकोरे बोर्डीकर यांच्या प्रयत्नातून जिंतूरात नाट्यगृहासाठी निधी मंजूर
शत्रुघ्न काकडे पाटील:-ब्युरो चिफ (युवा मराठा न्युज नेटवर्क)
जिंतूर शहरात सांस्कृतिक कार्यक्रम घेण्यासाठी नाट्यगृहाची आवश्यकता असून त्यासाठी पाच कोटी रुपयांचा निधी मंजूर झाला आहे. हा निधी तात्काळ वर्ग केला जाणार असून यासंदर्भात आ. मेघना साकोरे बोर्डीकर यांनी केलेल्या प्रयत्नांना यश आले आहे.
शहरातील अनेक वर्षांपासूनची सर्वसामान्य जनतेची मागणी लक्षात घेता आ. मेघना बोर्डीकर यांनी राज्याचे मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्याकडे लेखी पत्राद्वारे पाठपुरावा करून शहरामध्ये सांस्कृतिक कार्यक्रम घेण्यासाठी एका नाट्यगृहाची आवश्यकता असल्याचे निदर्शनास आणून दिले. आणि याची तात्काळ दखल घेत तब्बल पाच कोटी रुपयांचा निधी नगर विकास विभागामार्फत तात्काळ मंजूर करून सदर मंजूर करण्यात आलेला निधी जिल्हाधिकारी, जिल्हाधिकारी कार्यालय परभणी यांना वर्ग करण्याचे आदेशित करण्यात आले आहे.
सदरील काम हे सार्वजनिक बांधकाम विभाग, परभणी या यंत्रणेमार्फत करण्यात येणार असून या कामाचे सविस्तर अंदाजपत्रक तात्काळ तयार होऊन लगेचच कामास सुरुवात होणार असल्याचे आ. मेघना साकोरे बोर्डीकर यांनी यावेळी सांगितले.