आशाताई बच्छाव
चारठाणा पोलिस स्टेशन अंतर्गत कागदपत्रे नसलेल्या सहा दुचाकी पोलिसांच्या ताब्यात
शत्रुघ्न काकडे पाटील :-ब्युरो चिफ(युवा मराठा न्युज नेटवर्क)
जिंतूर तालुक्यातील चारठाणा पोलिसांनी विशेष मोहीम राबवून विना नंबर, ट्रिपलसिट, लायसन्स, कागदपत्रे या संदर्भात सहायक पोलीस निरीक्षक बालाजी गायकवाड यांच्या मार्गदर्शनाखाली दुचाकी तपासणी मोहिम राबविण्यात आली. सहा दुचाकीस्वाराकंडून 8 हजार 500 रूपयांचा दंड वसूल करण्यात आला. तर सहा दुचाकीस्वारांकडे कागदपत्रे अढळून आली नसल्याने या दुचाकी पोलीस ठाण्यात लावण्यात आल्या. ही तपासणी मोहिम आज शनिवारी राबविण्यात आली.
चारठाणासह ग्रामीण भागात अल्पवयीन मुले भरधाव वेगाने वाहने चालवित असल्याने अपघाताच्या प्रमाणात दिवसेंदिवस वाढ होत आहे. चारठाणा पोलीस ठाण्याचे सहायक पोलीस निरीक्षक बालाजी गायकवाड यांच्या मार्गदर्शनाखाली पोलीस नाईक विष्णूदास गरुड, शिवदास सुर्यवंशी, अजय रासकटला यांनी पोलीस ठाण्यासमोरून जाणारी वाहने थांबवून ट्रिपलसिट, विना नंबरप्लेट, कागदपत्रे तपासणी, अल्पवयीन मुलाच्या हाती वाहन दिल्यासंदर्भात तपासणी मोहिम राबविली. यामध्ये अनेक दुचाकींची तपासणी करण्यात आली. सहा दुचाकीस्वारांकडून 8 हजार 500 रूपयाचा दंड वसूल करून सहा दुचाकीस्वारांकडे कागदपत्रे आढळून आली नसल्याने या दुचाकी पोलीस ठाण्यात लावण्यात आल्या आहेत. या कारवाईमुळे अल्पवयीन वाहनधारकांची संख्या कमी होऊन अपघातास आळा बसण्यास मदत होणार आहे. या मार्गावरील वाढते अपघात लक्षात घेता पोलीस प्रशासनाने ही मोहिम राबविण्यास सुरुवात केली असल्याचे सहायक पोलीस निरीक्षक बालाजी गायकवाड यांनी यावेळी सांगितले.
कागदपत्रे नसल्यास कारवाई – सपोनि गायकवाड चारठाणा भागातील वाहनांची तपासणी केली असता अनेक दुचाकीस्वाराकडे कागदपत्रे नसून यासह लायसन्स नसताना तसेच अल्पवयीन मुलाकडून वाहन चालविण्याचे प्रमाण जास्त आहे. पालकांनी अल्पवयीन मुलाच्या हाती वाहन देऊ नये. दरम्यान, दुचाकीस्वारांनी देखील कागदपत्रे असलेली वाहने चालवावी नसता वाहन धारकांविरूद्ध कारवाई करण्यात येणार असल्याचे सहायक पोलीस निरीक्षक बालाजी गायकवाड यांनी यावेळी सांगितले.