आशाताई बच्छाव
वसंतराव नाईक यांची जयंती साजरी
खडकी : प्रतिनिधी उमेश पाटील
पस्तीस सदतीस ग्रुपच्या वतीने माजी मुख्यमंत्री वसंतराव नाईक यांच्या १०९ व्या जयंती निमित्त वसंतराव नाईक यांच्या पुतळ्याला पुष्पमाला घालून तसेच वाहतूक नियंत्रण पोलिसांना सॅनिटायझर, मास्कचे वाटप करून आगळ्यावेगळ्या पध्दतीने साजरी करण्यात आली. छत्रपती शिवाजी महाराज नगर येथील वसंतराव नाईक यांच्या पुतळ्याला वाहतुक विभागाचे वरिष्ठ पोलिस निरीक्षक नंदकिशोर शेळके यांच्या हस्ते हार घालण्यात आले. वसंतराव नाईक यांच्या जयंतीनिमित्त कार्यक्रमात पस्तीस सदतीस ग्रुपचे संस्थापक अध्यक्ष युवराज राठोड यांनी पोलिसांना सुरक्षित तसेच काळजी घेण्याचे आवाहन केले. कोरोना काळात पोलिसांनी जनतेला सर्वतोपरीने साहाय्यक केल्याने राठोड यांनी पोलिसांची अभिनंदन केले, याप्रसंगी उपनिरीक्षक राजेंद्र राठोड, सुरेश राठोड, नायक प्रतिष्ठानचे अध्यक्ष मल्लेश पवार, सुरेश राठोड आदी मान्यवर उपस्थित होते.