राजेंद्र पाटील राऊत
व-हाणे ग्रामपंचायतीचे प्रकरण आता होणार दाखल राज्य माहिती आयुक्ताच्या दरबारात !
(राजेंद्र पाटील राऊत युवा मराठा न्युज नेटवर्क)
मालेगांव-नाशिक जिल्ह्यातील मालेगांव तालुक्यात असलेल्या व-हाणे ग्रामपंचायतीच्या ग्रामसेविका श्रीमती सुवर्णा कडू सांळुखे यांना माहिती अधिकारात माहिती मागितल्यावरही माहिती नाकारल्याने आणि अपील सुनावणीस गैरहजर राहिल्याने आता हे प्रकरण राज्य माहिती आयोगाच्या नाशिक खंडपीठात लवकरच दाखल केले जाणार आहे.
काय आहे हे नेमके प्रकरण-व-हाणे ता.मालेगांव येथील ग्रामसेविका श्रीमती सुवर्णा सांळुखे यांनी सन २०१८-१९ मध्ये व-हाणे गावी युवा मराठाच्या सार्वजनिक पाणपोईचे उदघाटन दस्तुरखुद्द ग्रामसेविका सांळुखे व तत्कालीन सरपंच श्रीमती संगिता रमेश पवार यांच्या हस्ते करुन,सदरची शासकीय जागा विधायक कार्यासाठी युवा मराठा न्युजने रितसर ग्रा.पं कडे मागणी करुनही ग्रामसेविका सांळुखे यांनी मुद्दामच हे प्रकरण रेंगाळत ठेवले.व दुसरीकडे मात्र शासकीय जागा नियम धाब्यावर बसवून इतरांना बहाल केल्यात.त्यामुळे या ग्रामपंचायतीच्या कारभाराची चौकशी मागणी केल्यावर त्यात ग्रामसेविका सांळुखे या दोषी आढळल्याचा चौकशी अहवालात स्पष्ट उल्लेख चौकशी अधिकारी गुलाब राजबंशी यांनी ठेवलेला असतानाही अद्यापपर्यत सदर ग्रामसेविकाविरुध्द कुठलीही कार्यवाही झालेली नाही.आणि चौकशी अहवालानुसार गटविकास अधिकारी जितेंद्र देवरे यांनी देखील त्याची अंमलबजावणी केलेली नाही,म्हणून आता हे प्रकरण देखील जनहितार्थ न्यायालयात व महाराष्ट्राचे लोकआयुक्त यांचेकडे जनहित याचिका म्हणून दाखल केले जाणार आहे.तसेच ग्रामसेविका सांळुखे यांना माहिती अधिकारात विचारलेली माहिती त्यांनी न दिल्यामुळे शिवाय अपीलसाठी सुध्दा गैरहजर राहिल्याने अपील अधिकारी तथा विस्तार अधिकारी सुनील बच्छाव यांनी सात दिवसात माहिती देण्याचे आदेश दिल्यावरही माहिती प्राप्त न झाल्यामुळे आता हे प्रकरण राज्य माहिती आयोगाच्या नाशिक खंडपीठात अंतीम अपील स्वरुपात लवकरच दाखल केले जाणार आहे.