आशाताई बच्छाव
मोठ्ठी बातमी! शिवसेनेच्या ‘या’ आमदाराची तब्येत खालावली (स्वप्नील देशमुख बुलढाणा ब्युरो चीफ युवा मराठा न्युज नेटवर्क)
विधानपरिषद निवडणुकीनंतर शिवसेनेचे दिग्गज नेते आणि राज्याचे कॅबिनेट मंत्री एकनाथ शिंदे यांनी बंड पुकारले आहे. सध्या नाराज एकनाथ शिंदे आमदारांच्या एका मोठ्या गटासह सुरतमध्ये आहेत. पण, एकनाथ शिंदे यांच्यासोबत गेलेले आमदार नितीन देशमुख यांच्याबाबत एक मोठी अपडेट येत आहे. त्यांची प्रकृती खालावली असल्याची माहिती समोर येत आहे.
एकनाथ शिंदेसोबत सुरतमध्ये असलेल्या आमदारांच्या यादीत अकोला जिल्ह्यातील बाळापूरचे आमदार नितीन देशमुख यांचेही नाव आहे. नव्या माहितीनुसार, नितीन देशमुख यांना पहाटे गंभीरावस्थेत सूरतमधील रुग्णालयात दाखल करण्यात आले. त्यांच्या छातीत दुखू लागल्याने त्यांना रुग्णालयात दाखल करण्यात आले आहे. त्यांच्यावर सध्या उपचार सुरू असून त्यांच्या वॉर्डबाहेर मोठा पोलीस बंदोबस्त तैनात करण्यात आला आहे.
