मालेगाव – ( आंशुराज राजेद्र राऊत पाटिल वृतसंपादक युवा मराठा न्युज मालेगाव कार्यालय )
आगामी रमजान ईद व अक्षय तृतीया सणांच्या पाश्र्वभूमीवर सदर सण आनंदाच्या व शांततेच्या वातावरणात पार पाडण्यासाठी प्रशासनाकडून आवश्यक उपाययोजना करण्यात आल्या आहेत तसेच पुर्व तयारी, नियोजन व रंगीत तालीम पुर्ण करण्यात आली आहे. समाजकंटकांवर पोलिस प्रशासन लक्ष ठेवून असून प्रतिबंधक कारवाई करण्यात आली आहे. दंगा विरोधी संसाधने सतर्क ठेवण्यात आली आहेत. शासकीय रुग्णालय व अग्निशमन विभागाने अत्यावश्यक परिस्थिती बाबत तयारी पूर्ण केली आहे. 40 CCTV व 03 ड्रोन कॅमेरांचे माध्यमातून शहरावर लक्ष ठेवण्यात येणार आहे. सणांचे अनुषंगाने शहरात मोठ्या प्रमाणावर पोलीस बंदोबस्त नेमण्यात येणार असून राज्य राखीव दलाच्या/दंगा विरोधी पथकाच्या अतिरिक्त तुकड्या तैनात करण्यात येणार आहेत. सायबर सेल द्वारे सोशल मीडियावरील संदेशाची पडताळणी करण्यात येत असून चिथावणीखोर व आक्षेपार्ह संदेश तसेच अफवा पसरवणाऱ्यांवर कारवाई करण्यात येते आहे. आगामी सण नागरिकांनी आनंदाने व उत्साहाने परंतु कायद्याचे पालन करुन साजरे करावेत कुठल्याही अफवांना व द्वेषाला बळी पडू नये. कायदा हातात घेणाऱ्यांवर कठोर कायदेशीर कारवाई करण्यात येईल तरी नागरिकांनी कुठलीही भिती न बाळगता आनंदात, उत्साहाने व कायद्याचे पालन करून सण साजरा करण्याचे आवाहन अपर पोलीस अधीक्षक श्री चंद्रकांत खांडवी यांनी नागरिकांना केले आहे.