राजेंद्र पाटील राऊत
युवा मराठा न्युज :-शत्रुघ्न काकडे
जिंतूर (परभणी) तालुक्यातील बामणी पोलिस स्टेशन अंतर्गत असलेल्या कावी या गावात अवैध देशी दारू ची विविध आठ ठिकाणी देशी दारू ची बिनधास्तपणे विक्री होत आहे.
बामणी पोलीस स्टेशन अंतर्गत कावी हे गाव 11 किमी आहे.या गावात जणू काय देशी दारू विकण्याची स्पर्धा च आहे.असे सध्या दृष्य कावी गावांत पहावयास मिळत आहे. वार्ड नंबर 1 मध्ये एक ठिकाणी आणि वार्ड नंबर 2 मध्ये एक दुकान आणि वार्ड नंबर 3 मध्ये 6 ठिकाणी अवैध देशी दारू ची विक्री बिनधास्तपणे होत असल्याचे पहावयास मिळते आहे.विशेष म्हणजे या गावाची लोकसंख्या दोन हजार असून या छोट्या गावात अवैध देशी दारूची 8 दुकाने झाली आहेत.कमी मेहनती मध्ये जास्त पैसे कमावण्याच्या मोहात हे दारू दुकाने वाढली आहे. पोलिसांनी येथे एकही दुकानावर कार्यवाही केल्याचे आढळून आले नाही.जर कोणी या अवैध दुकानाची तक्रार करण्याचा प्रयत्न केला ते त्याला शिवीगाळ होत असल्याची माहिती मिळत आहे. आणि पोलीस मात्र या विषयांवर मूग गिळून गप्प बसत आहेत.यावर प्रश्न चिन्ह निर्माण होत आहे. तळीरामांची संख्या या गावात जास्त प्रमाणात पहावयास मिळत आहे. याचा विपरीत परिणाम सर्वसाधारण महिलांच्या संसरावर होत आहे. अनेकांचे संसार उद्धवस्त झाल्याचे उदाहरण या गावात पहावयास मिळते आहे. या बाबींची दखल पोलीस अधिकाऱ्यांनी घ्यावी अशी मागणी गावकऱ्यांतुन होत आहे.प्रतिक्रिया..
कावी गावातील अनेक संसार या दारू पायी उद्धवस्त होत आहेत.गावात दारू बाबतीत त्रास आहे.पिणारांपासून सर्व सामान्य लोकांना त्रास होत आहे.पोलिसांनी या दुकानांवर ऍक्शन घेऊन दुकाने बंद करायला पाहिजे.आमचे गावं दारूमुक्त होणे गरजेचे आहे.पोलिसांकडून हप्तेखोरी होत आहे.
राम काठमोरे कावी, सरपंच