राजेंद्र पाटील राऊत
मुखेडात डाॅ.आंबेडकर जयंती मिरवणुकीचे मुस्लिम बांधवांनी केले जल्लोषात स्वागत.
फटाक्यांची आतिषबाजी, पुष्पवृष्टी, शरबत सह मिनरल बाॅटलचे वाटप.
नांदेड जिल्हा ब्युरो चीफ मनोज बिरादार (युवा मराठा न्यूज नेटवर्क)
विश्वरत्न डाॅ.बाबासाहेब आंबेडकर यांची १३१ वी जयंती शहरासह तालुक्यात दि.१४ एप्रिल रोजी मोठ्या उत्साहाने साजरी करण्यात आली. शहरातील मुख्य मार्गाने क्रांतीसुर्य ज्योतीराव फुले व डाॅ.बाबासाहेब आंबेडकर यांच्या प्रतिमेची भव्य मिरवणूक काढण्यात आली. यावेळी मुस्लिम समाज बांधवांच्या वतीने भीमजयंती मिरवणूकीचे फटाक्याच्या आतिषबाजी करत स्वागत करण्यात आले. तसेच महामानवांच्या प्रतिमेवर पुष्पवृष्टी करण्यात आली. मिरवणूकीत सहभागी अनुयायींना शरबत वाटप व मिनरल बाॅटलचे वाटप करण्यात आले.
यावेळी आयोजक शेख इस्माईल बागवान म्हणाले की, रूढी-परंपरा, जातीयतेच्या गुलामीत खितपत पडलेल्या भारतीय समाजाला बाबासाहेबांनी मुक्त केलं. सामाजिक, राजकीय स्वातंत्र्य बहाल केलं. संविधानाच्या माध्यमातून स्वातंत्र्य, समता, बंधूतेचा संदेश दिला. अल्पसंख्याक समाजासह सर्वांना समान हक्क व अधिकार दिले. म्हणून मुखेड येथील मुस्लिम समाज बांधव डाॅ.बाबासाहेब आंबेडकर जयंती विविध उपक्रमाने साजरा केली. यावेळी डाॅ.राजासिंह चौहाण चौक, बसस्थानकासमोर शहरातील जयंती मंडळाचे प्रमुख गौतम काळे, राहूल लोहबंदे, अनिल सिरसे, व्यंकटराव लोहबंदे, मिलिंद कांबळे, संतोष बनसोडे, अनिकेत कांबळे, अतुल बनसोडे, संदिप काळे, आकाश कांबळे, एकनाथ बनसोडे, अनिकेत कांबळे, विजय लोहबंदे आदींचे पुष्पगुच्छ देऊन मुस्लिम युवकांनी स्वागत केले. तसेच पोलिस निरिक्षक विलास गोबाडे, सहा.पोलिस निरीक्षक किशोर बोधगीरे, पि.एस.आय. गजानन काळे, डिएसबीचे केंद्रे, किरणकुमार वाघमारे, पोलिस पाटिल माधव टाकळे आदींवर पुष्पवृष्टी करुन पोलिस प्रशासनाचे अभिनंदन करण्यात आले. यावेळी सुलतान मलिकसाब बागवान, गौस मिर्जा, इंजी.अतिक शेख, अमजत भाई, शेख इस्माईल बागवान, शेख रियाज चांदपाशा, अदनान पाशा, बाबु बागवान, खाजा चौधरी, सय्यद सोहेल, मदार दफेदार, यासेर अराफत, फेरोज बागवान, गणी भाई आदी सह मुस्लिम युवक मोठ्या संख्येने उपस्थित होते.