राजेंद्र पाटील राऊत
आदिनाथ सुरु होण्यासाठी अडथळा दूर होण्याच्या मार्गावर? पोलिस अधीक्षक सातपुते यांच्या उपस्थितीत बँक व कर्मचाऱ्यांच्या बैठकीत सकारात्मक चर्चा
युवा मराठा न्यूज नेटवर्क सोलापूर जिल्हा प्रतिनिधी महादेव घोलप.
करमाळा (सोलापूर) : आदिनाथ सहकारी साखर कारखान्याच्या कर्मचाऱ्यांच्या पगाराबाबत बँकेने सकारात्मक भूमिका दर्शवली आहे. 2020 मध्ये औद्योगिक न्यायालयाने दिलेल्या निकालाच्या अनुषंगाने ‘आम्ही कामगारांच्या खात्यावर साखर विक्रीतून पैसे जमा करण्यास तयार आहोत. १५० रुपयांच्या निकालापेक्षा आणखी वाढीव रक्कम हवी असल्यास, तशा प्रकारे त्यांनी त्यांचे म्हणणे कोर्टामध्ये मांडावे. कोर्टाने वाढीव रक्कम देण्याविषयीचे आम्हाला निर्देश दिले. तर त्याचा आदर करुन पैसे देण्यासाठी बांधील राहु,’ असे आश्वासन एमएससी बँकेचे कार्यकारी संचालक देशमुख व राठोड यांनी कामगारांना दिले आहे.
यावेळी उपस्थित बँकेचे देशमुख म्हणाले, ‘कारखाना सुरू व्हावा, अशी आमची इच्छा आहे. कारखान्याच्या अवतीभोवती उसाचे मोठे क्षेत्र आहे. कारखाना बंद राहिल्यामुळे तालुक्याची आर्थिक घडी बंद पडली आहे. कामगारांवर उपासमारीची वेळ आली आहे हे आम्ही जाणतो. सरकारच्या नियमानुसार सर्व गोष्टी कराव्या लागतात. कारखाना सुरू करण्यासंबंधीच्या सर्व प्रक्रिया पूर्ण होत आल्या आहेत. व कारखाना लवकरात- लवकर सुरू होईल, असे आशादायक वक्तव्य बँकेचे कार्यकारी संचालक देशमुख यांनी केले आहे.