राजेंद्र पाटील राऊत
देवेंद्र सुरेश कलकोट – वाशीम तालुका प्रतिनिधी
युवा मराठा न्युज
युक्रेन मध्ये अडकला वाशीम चा आमलन व्यास ,परंतु जिल्हा प्रशासनाकडे मात्र विध्यार्थ्याची नोंदच नाही
एकीकडे युक्रेन मध्ये युद्धजन्य परिस्थिती असल्याने महाराष्ट्रातील विद्यार्थ्यांना देशात सुखरूप आणण्यासाठी युद्धपातळीवर प्रयत्न सुरू आहेत. मात्र, वाशिम जिल्हा प्रशासनाकडे विदेशात असलेल्या आमलन व्यासची साधी नोंदही नसल्यामुळे या बाबतीत प्रशासन किती गंभीर आहे, हे यावरून दिसून येते आहे.
वाशीम : वाशीम शहराच्या आयुडीपी कॉलनी येथील आमलन प्रकाश व्यास हा विद्यार्थी एम बी बी एस च्या चौथ्या वर्षाला आहे. तर, तो युक्रेन मधील विनीतसा मध्ये शिक्षण घेत आहे. युक्रेनमधून भारतीयांना सुखरूप परत आणण्यासाठी शर्तीचे प्रयत्न सुरु आहे. मात्र जिल्हा प्रशासनाचे याकडे कमालीचे दुर्लक्ष असल्याचे दिसत आहे. मागील चार दिवसापासून रशिया आणि युक्रेन मध्ये युद्ध सुरू असून, त्याला भारतात आणण्यासाठी सरकार प्रयत्न करीत आहे.
मात्र, आमचा मुलगा रोमानिया बॉर्डर वर पोहचला आहे. दरम्यान तिथे खाण्यापिण्याची व्यवस्था नसल्याची माहिती मुलांकडून मिळाली आहे. तरी आमच्या मुलाची तिथे व्यवस्था करण्यात यावी, अशी विनंती आमलन याचे वडील प्रकाश व्यास यांनी भारत सरकारला केलेली आहे. वाशिम शहरातील आमलन प्रकाश व्यास हा युक्रेन मध्ये अडकला असला तरी याची कोणतीही माहिती जिल्हा प्रशासनाकडे कालपर्यंत उपलब्ध नव्हती. एकीकडे युक्रेन मध्ये युद्धजन्य परिस्थिती असल्याने महाराष्ट्रातील विद्यार्थ्यांना देशात सुखरूप आणण्यासाठी युद्धपातळीवर प्रयत्न सुरू आहेत. मात्र, वाशिम जिल्हा प्रशासनाकडे विदेशात असलेल्या आमलन व्यासची साधी नोंदही नसल्यामुळे या बाबतीत प्रशासन किती गंभीर आहे, हे यावरून दिसून येते आहे.
