राजेंद्र पाटील राऊत
काळ्या फिती लावून निषेध नोंदवा !
माध्यमिक, उच्च माध्यमिक शिक्षक शिक्षकेतर संघटना समन्वय समितीचे आवाहन
वाशिम, (गोपाल तिवारी ब्युरो चीफ युवा मराठा न्युज): राज्य सरकारी निमसरकारी शिक्षक – शिक्षकेतर कर्मचारी संघटना समन्वय समितीने त्यांच्या विविध मागण्यांच्या
पूर्ततेसाठी २३ व २४ फेब्रुवारी रोजी
राज्यव्यापी लाक्षणिक संप पुकारला आहे. या संपाला वाशिम जिल्ह्यातील माध्यमिक,उच्च माध्यमिक शिक्षक व शिक्षकेतर संघटना समन्वय समितीने
आपंला पाठिंबा जाहिर केला असून समस्यांच्या निवारणार्थ जिल्ह्यातील शिक्षक – शिक्षकेतर कर्मचारी यांनी काळ्या फिती लावून कामकाज करीत निषेध आंदोलन करावे असे आवाहन करण्यात आले आहे
यासंदर्भात माध्यमिक व उच्च माध्यमिक शिक्षक शिक्षकेतर समन्वय समितीच्या वतीने मुख्यमंत्री उद्धव ठाकरे व उपमुख्यमंत्री अजित पवार यांना निवेदन पाठविले असून, त्यामध्ये
शिक्षक – शिक्षकेतर कर्मचार्यांना लागू
केलेली नवीन अंशदायी पेन्शन योजना रद्द करुन जुनी पेन्शन योजना लागू करणे, अनुदानास पात्र ठरलेल्या माध्यमिक व उच्च माध्यमिक शाळा व तुकड्यांवरील शिक्षक-कर्मचार्यांच्या
वेतन अनुदानावर पुढील टप्पे नियमित
मंजूर करणे, निकषपात्र न ठरलेल्या
शाळांबाबत अनुदानावर निकष
शिथिल करणे व अनुदान देणे,माध्यमिक शाळा शिक्षकांना वरीष्ठ व निवड श्रेणी प्रशिक्षणाचे तात्काळ :
नियोजन करणे, देय असलेले वेतनेतर अनुदान थकबांकीसह अदा करणे,
राज्य कर्मचार्यांप्रमाणे शिक्षक – :
शिक्षकेतर कर्मचार्यांना १०, २०, ३०
वर्षाची आश्वासित प्रगती योजना लागू
करणे, या व इतर अनेक मागण्या व
समस्या नमूद केल्या आहेत. तसेच आपल्या मागण्यांच्या पूर्ततेसाठी चालढकल करणाऱ्या मुर्दाड शासनव्यवस्थेचा निषेध नोंदविण्याची व राज्य सरकारी, निमसरकारी कर्मचारी आणि शिक्षक शिक्षकेतर कर्मचारी संघटना समन्वय समितीच्या संपाला समर्थन दर्शविण्यासाठी दि. २२ व २३ फेब्रुवारी रोजी सर्व शिक्षक शिक्षकेतर काळ्या फिती लावून कामकाज करतील असा इशारा या निवेदनात देण्यात आला आहे. तरी जिल्ह्यातील शिक्षक शिक्षकेतर यांनी काळ्या फिती लावून निषेध नोंदवावा असे आवाहन वाशिम जिल्ह्यातील माध्यमिक, उच्च माध्यमिक शिक्षक व शिक्षकेतर संघटना समन्वय समितीशी संलग्न असलेल्या पश्चिम विदर्भ माध्यमिक शिक्षक संघ, महाराष्ट्र राज्य शिक्षक परिषद, विज्यूक्टा संघटना, उर्दू टीचर्स असोसिएशन,उच्च माध्यमिक विनाअनुदानित कृती संघटना, शिक्षक शिक्षकेतर कर्मचारी संघटना, अमरावती विभागीय शिक्षक संघ, शिक्षक संघर्ष संघटना या घटक संघटनांच्या वतीने करण्यात आले आहे.