राजेंद्र पाटील राऊत
आगळ्या वेगळ्या पध्दतीने रात्री
बारा वाजता शिवजन्मोत्साचा जल्लोष! पुजा टेन्ट हाऊसचा अनोखा सोहळा
मालेगांव,(राजेंद्र पाटील राऊत युवा मराठा न्युज नेटवर्क)- अखंड हिंदुस्थानाचे दैवत,सिंहासनाधीश्वर छत्रपती शिवाजी महाराजांची जयंती दिनांक १८ फेब्रुवारी रोजी रात्री बरोबर बारा वाजताच एका आगळ्या वेगळ्या व अनोख्या पध्दतीने नाशिकच्या मालेगांव शहरात साजरी करण्यात आली.
कोरोना महामारीच्या संसर्गानंतर पहिल्यांदाच एवढया मोठया उत्साही वातावरणात महाराजांच्या जयंतीचा उत्साह दिसून आला.मालेगांवच्या सटाणा नाका भागात असलेल्या स्वप्नपुर्तीनगर परिसरातील पुजा टेन्ट हाऊसचे मालक संचालक संजय नामदेव महाले पाटील यांनी छत्रपती शिवाजी महाराज जयंती महोत्सवाचे आयोजन केले होते.रात्री बारा वाजता पुजा टेन्ट हाऊस स्वप्नपुर्तीनगर या ठिकाणी अत्यंत जल्लोषपुर्ण वातावरणात छत्रपती शिवाजी महाराजांच्या नावांचा जयघोष करीत फटाक्यांच्या आतषबाजीत व विविध प्रकारच्या रोषणाईच्या प्रकाशात महाराजांचा जन्मोत्सव मोठ्या जल्लोषात व उत्साहात साजरा करण्यात आला.याप्रसंगी शिवरायांच्या पराक्रमाचे गीत वाजवून आनंद साजरा करण्यात आला.या कार्यक्रमाचे आयोजन पुजा टेन्ट हाऊसचे मालक संचालक तथा युवा मराठा न्युजचे कार्यकारी संपादक संजय नामदेव महाले पाटील यांनी केले होते.या छत्रपती शिवरायांच्या जन्मोत्सव कार्यक्रमास युवा मराठा न्युजचे मुख्य संपादक राजेंद्र पाटील राऊत,राकेश बळीराम जाधव,प्रविण सुरेश पाटील,नारायण शांताराम जाधव,हर्षल जाधव,अंकूश जाधव,गणेश जाधव,योगेश हिरे,विशाल गुजराथी,दिपक जाधव,गणेश गुरव,राजबिंद राजू बिंद ,वैभव मोरे,दर्शन गुरव,आदर्श जाधव,बंटी खैरनार,नयन सोनवणे,पवन देसले,राज अहिरे,साहील महाले,तात्या महाले,राकेश महाले,गोलू आदी शिवप्रेमी बहुसंख्येने उपस्थित होते.
(याच जन्मोत्सवाची व्हिडीओ न्युज बघा आज दुपारी ३ वाजता युवा मराठा न्युजवर)