राजेंद्र पाटील राऊत
गानसम्राज्ञी लता मंगेशकर यांचे निधन. ब्रीच कँडी रुग्णालयात घेतला त्यांनी अखेरचा श्वास.
नांदेड/मनोज बिरादार ब्युरो चीफ युवा मराठा न्युज नेटवर्क
जगभरातील कोट्यावधी संगीतप्रेमींच्या कानाना तृप्त करणारे स्वर आज हरपले.लतादीदींच्या आवाजाच्या परीस स्पर्शाने अजरामर झालेल्या गीतांच्या माध्यमातून हा स्वर आता अनंत काळ आपल्या मनामध्ये गुंजन करत राहील.संपूर्ण चित्रपटसृष्टीसाठी आजचा दिवस काळा दिवस ठरला आहे. गानसम्राज्ञी लता मंगेशकर यांचे निधन झाले आहे. वयाच्या 92 व्या वर्षी गानकोकिळेने या जगाचा कायमचा निरोप घेतला आहे. आज सकाळपासून लता दीदी उपचाराला प्रतिसाद देत नव्हत्या. मागील 8 जानेवारीपासून मुंबईतील ब्रीच कँडी रुग्णालयातील आयसीयूत त्यांच्यावर उपचार सुरू होते. त्यांना कोरोनाची लागण झाली होती, शिवाय न्यूमोनियाचेही त्यांना निदान झाले होते.
मात्र आठवड्याभरापूर्वी त्यांनी कोरोनावर मात केली होती आणि त्यांच्या प्रकृतीत हळूहळू सुधारणा होत असल्याची माहिती त्यांच्यावर उपचार करणाऱ्या डॉक्टरांनी दिली होती. पण शनिवारी पुन्हा एकदा त्यांची प्रकृती खालावली आणि त्यांना व्हेंटिलेटवर ठेवण्यात आल्याचे वृत्त आले होते. अखेर उपचारादरम्यान दीदींनी आज अखेरचा श्वास घेतला आहे. सम्राज्ञी लता मंगेशकर यांना भावपूर्ण श्रद्धांजली त्यांच्या निधनाने चित्रपटसृष्टीसह देशात शोककळा पसरली आहे.युवा मराठा न्युज परिवाराची भावपूर्ण श्रध्दांजली!
