राजेंद्र पाटील राऊत
मुख्याधिकाऱ्याच्या बदलीसाठी काँग्रेस अध्यक्षांचे उपोषण.शेगाव तहसील समोर आमरण उपोषणास सुरु…
ब्युरो चीफ स्वप्निल देशमुख युवा मराठा न्यूज बुलडाणा
भारतीय जनता पार्टी सत्तेत असताना झालेल्या अनियमिततेमुळे मध्ये मुख्याधिकार्यांनी त्यांना साथ दिली. त्यामुळे येत्या नगरपालिका निवडणुकांमध्ये मुख्याधिकारी भाजपाला मदत करू शकतात हे कारण देत मुख्य अधिकाऱ्यांची तात्काळ बदली करण्यात यावी किंवा त्यांना सक्तीच्या रजेवर पाठवण्यात यावे अशी मागणी करीत शेगाव शहर काँग्रेस कमिटीचे अध्यक्ष किरणबापू देशमुख यांनी आज पासून शेगाव तहसील कार्यालयासमोर आमरण उपोषणास सुरुवात केली आहे. मागील दोन महिन्यांपासून रेटून धरलेल्या मागणीला काँग्रेस पक्ष सत्तेत असताना सुद्धा एका साध्या अधिकार्याची बदली होत नसल्याने आश्चर्य व्यक्त होत आहे.बुलढाणा जिल्ह्यातील शेगाव नगरपालिकेवर मागील पाच वर्षांपासून भारतीय जनता पार्टीची सत्ता होती अशा वेळेस सत्ताकाळ संपत असताना काँग्रेस कमिटीचे शेगाव शहर अध्यक्ष किरणबापू देशमुख यांनी मुख्याधिकारी डॉक्टर प्रशांत शेळके यांच्या विरोधात बंड पुकारला आहे. त्यांच्या आरोपानुसार मुख्याधिकारी शेळके हे भारतीय जनता पार्टीच्या काळामध्ये झालेल्या अनियमिततेमध्ये सहभागी होते. त्यामुळे येत्या नगरपालिका निवडणुकांमध्ये ते भारतीय जनता पार्टीला मदत करू शकतात त्यामुळे त्यांची बदली किंवा त्यांना सक्तीच्या रजेवर पाठविण्यात यावे अशी मागणी मागील दोन महिन्यांपासून देशमुख हे सातत्याने करीत आहेत. मात्र त्यांच्या या मागणीला शासनाकडून केराची टोपली दाखवण्यात येत आहे. राज्यात महा विकास आघाडीची सत्ता असताना आणि पालकमंत्री संपर्कमंत्री आमदार खासदार हे सर्व लोकप्रतिनिधी महा विकास आघाडीचे असतानासुद्धा देशमुख यांच्या मागणीला यश मिळत नसल्याने मागणी मध्ये कुठे पाणी मिळते का ? असा प्रश्न उपस्थित होत आहे. दरम्यान आज सोमवार पासून मागणीला यश मिळाले नसल्याने किरणबापू देशमुख यांनी तहसील कार्यालयासमोर मुख्याधिकाऱ्यांच्या बदलीसाठी आमरण उपोषणास सुरुवात केली आहे.