राजेंद्र पाटील राऊत
मुंगळा येथे लसीकरण मोहिमेस उत्स्फूर्त प्रतिसाद
ग्रामपंचायत प्रशासनाचा पुढाकार
मालेगाव तालुका प्रतिनिधी प्रकाश भुरे युवा मराठा न्युज नेटवर्क
कोरोना संसर्गाची संभाव्य तिसरी लाट येण्यापूर्वी जास्तीत जास्त व्यक्तींचे लसीकरण पूर्ण करण्यासाठी ग्रामीण भागात लसीकरण मोहीम गतिमान करण्यात आली आहे. त्या अनुषंगाने आरोग्य विभाग आणि मुंगळा ग्रामपंचायत प्रशासनाच्या वतीने लसीकरण मोहीम जिल्हा परिषद शाळेत राबविण्यात आली. या मोहिमेत 30 वर्षावरील व्यक्तींना कोरोना प्रतिबंधक लस देण्यात आली.
सरपंच सौ.शुभांगी प्रविण वायकर, उपसरपंच नंदकिशोर प्रभाकर वनस्कर यांच्या नेतृत्वाखाली गावात लसीकरणा बाबत जनजागृती केली. ग्रामस्थांच्या घरोघरी जाऊन लस घेण्यासाठी प्रोत्साहित केले. यावेळी ग्रामपंचायत सदस्या सौ.निता संजय राऊत, शुभानंद देवलाल बेलोकर, जिप मुख्याध्यापक बाबाराव गिऱ्हे, आरोग्य सेविका बोदवडे, पल्लवी तेलगोटे, रामकिसन चोखारे, माजी पंचायत समिती सदस्य उध्दव राऊत, सामाजिक कार्यकर्ते प्रविण वायकर, संजय राऊत, दशरथ खुळे, गजानन सोनूने गुरुजी, नेहरू युवा मंडळाचे उपाध्यक्ष सुनील नखाते, ग्रामपंचायत कर्मचारी विठ्ठल केळे, दिलीप मांगाडे आदींची उपस्थिती होती.