मुखेड तालुक्यातील मौजे तांदळी येथील रस्त्याची अत्यंत दुर्दशा….
मुखेड तालुका प्रतिनिधी मनोज बिरादार (युवा मराठा न्यूज नेटवर्क)-मुखेड तालुक्यातील मौजे तांदळी ते मुखेड जाणाऱ्या मुख्य
रस्त्यावर ठिक ठिकानी मोठे खड्डे पडल्यामुळे वाहनधारकास अतोनात त्रास सहन करावा लागत आहे. जागोजागी असंख्य खडे पडल्याने रस्ता पूर्णपणे खड्डेमय झाला आहे याकडे संबंधित विभागाचे जाणीवपूर्वक दुर्लक्ष होत असल्याचे दिसून येत आहे मुखेड तालुका असल्यामुळे कामानिमित्त तालुक्यांच्या ठिकाणी मुखेड येथे जात असतात सदरील रस्त्यावरून मोटरसायकलने जात असताना तारेवरची कसरत करत जावे लागते एक खड्डा चुकवून पुढे गेले की दुसऱ्या दुसऱ्या खड्ड्यातून गाडी अडकते. रस्त्यात खड्डा आहे कि खड्ड्यात रस्ता आहे हेच समजेनासे झाले आहे. यातच दररोज छोटे-मोठे अपघात होऊन नागरिक किरकोळ जखमी होत आहेत . यास जबाबदार कोण? अशी संतप्त प्रतिक्रिया ग्रामस्थांतून बोलली जात आहे वयोवृद्ध माणसांना प्रवास करताना अतिशय त्रास सहन करावा लागत आहे.अशा होणाऱ्या अपघाताला आळा बसवण्यासाठी रस्त्यावर असलेले खड्डे बुजवणे आवश्यक आहे तरी संबंधितांनी याकडे लक्ष देण्याची मागणी संतप्त नागरिकातून केली जात आहे..