राजेंद्र पाटील राऊत
ग्रामीण भागातील गॅस ऐवजी परत पेटल्या चुली….!
गृहिणींचे बजेट कोलमडले;शंभरीचा गॅस ठरला नाका पेक्षा मोती जड….
वाखारी प्रतिनिधी दादाजी हिरे/ युवा मराठा न्युज नेटवर्क
:शासनाद्वारे उज्वला योजने अंतर्गत दारिद्र्य रेषेखालील लाभार्त्यांना शंभर रूपयांच्या सवलतीत माफक दरामध्ये उज्वला गॅस जोडणी दिली.परंतु याच गॅस सिलिंडरचे भाव गगणाला भीडल्याने गृहिनिंच्या स्वयंपाक घरातील बजेट कोलमडल्याने हा शंभरीतील गॅस आता नाका पेक्षा मोती जड झाला आहे.
घरगुती वापराच्या गॅस सिलिंडरचे दर या आठवड्यात सहाशे पन्नास रुपयांवर जाऊन धडकले आहेत.त्यामुळे सर्वसामान्य नागरिकांचे कंबरडे मोडले असून सिलिंडरसाठी एकत्रित रक्कम जमविताना या लाॅकडाऊनमुळे रोजगार उपलब्ध नसल्याने पैसे जमविताना दमछाक होत आहे.घरगुती सिलिंडरसाठी ग्राहकाला मार्चपासून सबसिडी दिली जात नाही.गॅस सिलिंडर खरेदी वेळी पूर्ण रक्कम द्यावी लागते. अनेक वेळा सामान्य नागरिकाकडे एकत्र रक्कम नसते स्वयंपाक करण्यासाठी सर्वसामान्य नागरिक काही वर्षा पूर्वी चूल किंवा स्टोव्हचा वापर करीत होते.परंतु हळूहळू काळ बदलला श्रीमंत व साधारण लोकांच्या बरोबरीने सर्वसाधारण व सामान्य घरातील नागरिकही गॅस कनेक्शन घेण्याकडे वळु लागले.मागील काही वर्षात शहरातच नव्हे, तर ग्रामीण भागातसुद्धा मोठ्या प्रमाणावर गॅस कनेक्शनधारकांची संख्या वाढली आहे.
ग्रामीण भागात उज्ज्वला योजनेतून अनेक गॅस लाभार्थ्याना गॅस कनेक्शनचे वाटप करण्यासाठी प्रोत्साहन देण्यात आले. त्यामुळे दारिद्रय़रेषे खालील नागरिकांकडे सुद्धा गॅसची सोय झाली. महिलांना सरपणातून निघणा-या धुरापासून मुक्ती मिळावी, ग्राहकांना त्याचे आरोग्य चांगले राहावे,या आधी चुलीवरील स्वयंपाकासाठी मोठ्या प्रमाणात लाकुड-सरपनाचा वापर व्हायचा .त्यामुळे जंगलातील वृक्षतोड कमी व्हावी यासाठी सरकारने गॅस कनेक्शन सवलतीच्या दरात वाटले.परंतु गेल्या काही वर्षांत सातत्याने होणाऱ्या गॅस सिलिंडरच्या किंमतीची दरवाढ सामान्यांसाठी चिंतेचे कारण ठरली आहे.शासनाच्या नियमाप्रमाणे घरगुती गॅस सिलिंडरसाठी अनुदान दिले जाते. ही सबसिडी म्हणजेच अनुदान लाभार्थ्यांच्या बँक खात्यात जमा होते.परंतु मार्च पासून सबसिडी नाही आणि अनुदानही नाही. सिलिंडरसाठी बुकिंग केल्यानंतर सिलिंडर घेताना एकूण रक्कम ग्राहकांना जमा करावी लागते .परंतु सर्वसाधारण कुटुंबातील मोलमजुरी करून उदरनित्राह चालविना-या व्यक्तिला एकाचवेळी ही रक्कम भरणे जड जात झाले आहे . हळूहळू गॅसच्या दरात मध्ये दर आठ दिवसांनी वाढ होताना दिसते.त्यामुळे गॅस कनेक्शन असूनही अनेक ग्राहकांना सिलिंडर खरेदी करणे शक्य होत नाही . पर्यायाने त्यांनी आपला मोर्चा पुन्हा कोळसा ,चुल सरपणासारख्या इंधनाकडे वळविला आहे.घर चालविताना सामान्य माणसाला घर चालविणे कठीण झाले आहे.गृहिणी घरखर्चातील पैशांची बचत करून सिलिंडरसाठी पैसे साठवुन ठेवत होत्या. परंतु दुशकाळाच्या परीस्थितीत हाताला काम नसल्याने त्यांना तारेवरची कसरत करावी लागत आहे
बंद झालेल्या चुली परत पेटल्या…
गॅस सिलिंडर चे दर प्रत्येक आठवड्याला वाढत चालले असून गुहनिचे बजट अक्षरशः कोलमडून गेले आहे. याचाच परिणाम ग्रामीण भागातील बंद केलेल्या चुली परत पेटल्या असुन महिलांना पुन्हा धुराच्या विळख्यात स्वयंपाक करण्याची वेळ आली आहे.