🛑 आणखी किती दिवस तुम्हाला ‘मराठा स्ट्राँग मॅन’ उपमा द्यायची…? 🛑

🛑 आणखी किती दिवस तुम्हाला ‘मराठा स्ट्राँग मॅन’ उपमा द्यायची…? 🛑
✍️ सातारा 🙁 विजय पवार महाराष्ट्र प्रतिनिधी युवा मराठा न्युज )

सातारा :⭕उदयनराजे यांची पवारांवर तोफ, मराठा समाजावर अन्याय होत असून, याबाबत गेली अनेक वर्षे सत्तेत असलेल्यांनी मराठा समाजाच्या प्रश्नांना उत्तरे द्यावीत.

अजून किती दिवस मराठा समाजाचा अंत पाहणार, मराठा आरक्षणाचा विषय काहींना अगदी व्यवस्थितपणे माहीत आहे. पण, मराठ्यांचे कैवारी, मराठा स्ट्राँग मॅन अशी उपमा किती दिवस द्यायची…?,
असा प्रश्न उपस्थित करत भारतीय जनता पक्षाचे खासदार उदयनराजे भोसले यांनी राष्ट्रवादी काँग्रेस पक्षाचे अध्यक्ष शरद पवार यांच्यावर निशाणा साधला.

सातार्‍यात पत्रकार परिषदेत बोलत होते.

माजी मुख्यमंत्री देवेंद्र फडणवीस मराठा नसताना त्यांनी आरक्षण दिले. यामुळे फडणवीसांच्या हाती सत्ता द्या, मी आरक्षण मिळवून देतो, अशा शब्दांत उदयनराजे यांनी नागरिकांना आवाहन केले. उदयनराजे म्हणाले, आता तुम्ही सत्तेत आहात ना? मग काम करा ना. जिल्हा न्यायालयातही तारीख देतात. मग सर्वोच्च न्यायालयाने तारीख दिली नाही. राज्य शासनाचा वकील हजर राहत नाही, असा आरोपही त्यांनी महाआघाडीच्या सरकारवर केला.

आधीच्या पिढीतल्या लोकांनी मराठा आरक्षणाचा प्रश्न जाणीवपूर्वक प्रलंबित ठेवला.

कुठपर्यंत समाजाचा अंत पाहणार आहात. आरक्षणाचा प्रश्न सोडवावा, अन्यथा फार मोठा अनर्थ होईल, याला जबाबदार ही सगळी मंडळी असतील, असा इशाराही उदयनराजे भोसले यांनी दिला. कुणाचे नाव घेऊन मी कुणाला मोठे करणार नाही.

कारण याला सगळेच जबाबदार आहेत. लोक यांना रस्त्यावर येऊ देणार नाहीत, घरात जाऊन जाब विचारतील, असेही ते म्हणाले…⭕