*कोल्हापूर जिल्ह्यात नव्याने कोविड* *रूग्ण सापडले*
*युवा मराठा न्यूज*
कोल्हापूर जिल्ह्यात काल रविवारी ४६ नवे कोरोनाबाधित रुग्ण सापडले तर एकाचा मृत्यू झाला. एकूण ४८ हजार १८९ रुग्णांपैकी ४५ हजार ५१४ रुग्णांनी कोरोनावर मात केली आहे.आजतागायत जिल्ह्यात कोरोनामुळे१ हजार ६४१ जणांचा मृत्यू झाल्याची नोंद झाली आहे. जिल्ह्यातील सक्रिय रुग्णसंख्या ९८२ आहे.
४६ कोरोनाबाधित रुग्ण अहवालापैकी चंदगड ३, गगनबावडा १, हातकणंगले ५, करवीर ७, शाहूवाडी ३, शिरोळ ५, नगरपालिका कार्यक्षेत्रात १२ व महापालिका कार्यक्षेत्रात १० जण बाधित आढळले आहेत. रूकडी (ता. हातकणंगले) येथील १७ वर्षांच्या युवकाचा समावेश आहे. शनिवारी घेण्यात आलेल्या ८२० पैकी ७७५ व्यक्तींचे अहवाल कोरोना निगेटिव्ह आले आहेत.
आजरा, भुदरगड, गडहिंग्लज, कागल, पन्हाळा, राधानगरी तालुक्यात रविवारी एकही कोरोना बाधित रुग्ण सापडला नाही.