*बांबवडेत छत्रपती शिवाजी* *महाराजांचा पुतळा सन्मानाने* *बसविण्यात येणार ,*
*पोलिस प्रशासन*
*कोल्हापूर (मोहन शिंदे ब्युरोचिफ युवा मराठा न्यूज)*
कोल्हापूर जिल्ह्यातील
शाहूवाडी तालुक्यात बांबवडे येथील बसस्थानकासमोर काल रात्री बसविण्यात आलेला छत्रपती शिवाजी महाराजांचा अर्धाकृती पुतळा सायंकाळी उशिरा पोलीस प्रशासनाकडून दुग्धाभिषेक व विधिवत पूजा करून काढण्यात आला होता.
विशेष म्हणजे गावात कोणाचाही या पुतळ्याला विरोध नसला, तरी शासनाची परवानगी घेऊनच हा पुतळा सन्मानाने बसविण्याचा निर्णय पोलिसांनी घेतला आहे. दरम्यान, गावात रात्री उशिरापर्यंत कसलाही तणाव नसला तरी काही शिवभक्तांनी मलकापूर आणि बांबवडे गावांतील बाजारपेठ उद्या कडकडीत बंद ठेवण्याचा इशारा दिला आहे.
बांबवडे येथील बसस्थानकासमोर रविवारी रात्री छत्रपती शिवाजी महाराजांचा पुतळा बसविण्यात आल्याने सर्वपक्षीय स्थानिक नेतेमंडळी तसेच अनेक शिवप्रेमी येथे दाखल झाले होते. शाहूवाडीचे पोलीस निरीक्षक प्रवीण चौगुले, सहायक पोलीस निरीक्षक भालचंद्र देशमुख हेही घटनास्थळी दाखल झाले. सायंकाळी काही शिवभक्तांना ताब्यात घेण्यात आले. त्यानंतर पोलीस बंदोबस्तात विधिवत पूजा करून, हा पुतळा सुरक्षित ठिकाणी ठेवण्यात आला.
दरम्यान, याबाबत प्रशासकीय परवानगीसाठी प्रयत्न करू, पण सद्यःस्थितीत पुतळा हटविण्यास माजी आमदार सत्यजित पाटील-सरुडकर यांनीही नकार दिला होता.
