Home Breaking News 🛑 पुण्यातील “जम्बो हाँस्पीटल” चा…..! मुख्यमंत्र्यांच्या हस्ते होणार ” श्रीगणेशा ” 🛑

🛑 पुण्यातील “जम्बो हाँस्पीटल” चा…..! मुख्यमंत्र्यांच्या हस्ते होणार ” श्रीगणेशा ” 🛑

74
0

🛑 पुण्यातील “जम्बो हाँस्पीटल” चा…..! मुख्यमंत्र्यांच्या हस्ते होणार ” श्रीगणेशा ” 🛑
✍️ पुणे 🙁 विलास पवार ब्युरो चीफ युवा मराठा न्युज )

पुणे :⭕कोरोनाच्या रुग्णांवर ‘इलाज’ करण्यासाठी उभारलेल्या मात्र, मुहूर्तावरून चर्चेत आलेल्या जम्बो कोविड केअर सेंटरचा ‘श्रीगणेशा’ रविवारी (ता.२३) होणार असून, मुख्यमंत्री उद्धव ठाकरे यांच्या हस्ते दुपारी चार वाजता सेंटरचे ऑनलाइन उद्घाटन होणार आहे.

त्यानंतर तेथील सेवा-सुविधांची चाचणी पूर्ण होताच रुग्णांना दाखल घेतले जाणार आहे. सेंटरमध्ये आठशे रुग्णांवरील उपचाराची व्यवस्था आहे.

मुख्यमंत्री ठाकरे आणि उपमुख्यमंत्री, पालकमंत्री अजित पवार यांच्या हस्ते सेंटरचे उद्घाटन होईल.

त्यासाठी शिवाजीनगर येथील शासकीय अभियांत्रिकी महाविद्यालयाच्या (सीओईपी) आवारात छोटेखानी कार्यक्रम होणार आहे. तेव्हा महापौर मुरलीधर मोहोळ, विभागीय आयुक्त सौरभ राव, महापालिका आयुक्त विक्रम कुमार, जिल्हाधिकारी डॉ. राजेश देशमुख, महापालिकेच्या अतिरिक्त आयुक्त रुबल अग्रवाल उपस्थिती राहतील.

कोरोनाच्या रुग्णांना वेळेत तेही नेमके उपचार देण्याच्या उद्देशाने ‘सीओईपी’च्या आवारात हे सेंटर उभारले असून, त्याठिकाणी सहाशे ऑक्‍सिजन आणि दोनशे अतिदक्षता विभाग (आयसीयू) बेडची सोय आहे.

या सेंटरचे बहुतांशी काम आटोपले आहे. मात्र, शेवटच्या टप्प्यातील तपासण्या करण्यात येत आहेत. त्यानंतर प्रत्यक्षात उपचार सुविधा सुरू होणार आहे. या पार्श्‍वभूमीवर मुख्यमंत्री ठाकरे आणि उपमुख्यमंत्री पवार यांच्या हस्ते उद्घाटन होणार आहे.

दरम्यान, १९ ऑगस्टपासून सेंटर सुरू करण्याच्या सूचना मुख्यमंत्री ठाकरे यांनी स्थानिक प्रशासनाला दिली. परंतु, त्या मुदतीत ते शक्‍य झाले नाही. त्यावरून भाजपने आंदोलनाचा पवित्रा घेतला; तेव्हा मात्र २४ ऑगस्टपासून सेंटर सुरू करण्याचे आश्‍वासन खासदार गिरीष बापट यांना दिले होते.⭕

Previous article🛑 *गणराया, कोरोनाचे संकट दूर करून जनजीवन गतिमान कर……!  बाळासाहेब थोरात* 🛑
Next article🛑 मुख्यमंत्र्यांच्या वर्षा बंगल्यावर गणपती बाप्पाचे आगमन 🛑 ✍️ मुंबई :( विजय पवार महाराष्ट्र प्रतिनिधी युवा मराठा न्युज )
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here