⭕पटेल रुग्णालयात ‘हेल्थ एटीएम’⭕
पुणे 🙁 विलास पवार ब्युरो चीफ युवा मराठा न्युज )
पुणे :- एकाच वेळी तब्बल २३ आरोग्य तपासण्या करणाऱ्या ‘हेल्थ एटीएम’ सुविधेचा लाभ आता पुणे कँटोन्मेंट बोर्डाच्या सरदार वल्लभभाई पटेल रुग्णालयातील रुग्णांना घेता येणार आहे. विधान परिषदेचे आमदार अनंत गाडगीळ यांनी आमदार निधीतून ‘हेल्थ एटीएम’ रुग्णालयाला उपलब्ध करून दिले आहे. हिंदुस्थान अँटिबायोटिक्स कंपनीने या एटीएमची निर्मिती केली असून, त्याद्वारे रक्तदाब, मधुमेहाचे प्रमाण, हृदयाचे ठोके मोजणाऱ्या २३ आरोग्य तपासण्या अवघ्या पाच मिनिटांत करता येणार आत. त्यामुळे करोनाच्या वाढत्या प्रादुर्भावाच्या पार्श्वभूमीवर रुग्णाची रोगप्रतिकार शक्ती आणि गंभीर आजाराचे निदान वेळेवर करणे शक्य होणार आहे. काँग्रेसचे ज्येष्ठ कार्यकर्ते राजाभाऊ चव्हाण यांच्या हस्ते हे एटीएम बोर्डाचे मुख्य कार्यकारी अधिकारी अमित कुमार आणि रुग्णालयाचे निवासी वैद्यकीय अधिकारी डॉ. विद्याधर गायकवाड यांच्याकडे सुपूर्त करण्यात आले. या वेळी आकाश चव्हाण, मोहन नारायणे, संदीप भोसले, राजेंद्र म्हस्के पाटील, जसपाल सिंग आदी कार्यकर्ते उपस्थित होते.
