आशाताई बच्छाव
जि. प. निवडणूक खर्च १४ लाख, प. स. ६ लाख: उमेदवारांना दिलासा, आयोगाने मर्यादा वाढवली. दैनिक युवा मराठा पी एन देशमुख. अमरावती जिल्हा प्रतिनिधी. अमरावती. निवडणूक आयोगाने स्थानिक स्वराज्य संस्थेच्या उमेदवारासाठी निवडणूक खर्चाची मर्यादा वाढवली आहे आता जिल्हा परिषद निवडणुकीतील उमेदवारांना८ लाखा ऐवजी १४ लाख रुपये तर पंचायत समिती उमेदवारांना ३ लाख ऐवजी ६ लाख रुपये खर्च करता येणार आहे यामुळे उमेदवारांना मोठा दिलासा मिळाला आहे. ही मर्यादा अनेक वर्षापासून लागू होती वाढत्या महागाईमुळे उमेदवारांना जुन्या मर्यादित खर्च करणे कठीण होत होते त्यामुळे निवडणूक खर्चाची मर्यादा वाढवण्याची मागणी सातत्याने केली जात होती शासनाच्या विचारधणे असलेल्या या मागणीला अखेर निवडणूक आयोगाने हिरवा कंदील दिली दाखवला आहे. केवळ जिल्हा परिषद आणि पंचायत समिती नव्हे तर महानगरपालिका नगरपालिका नगरपंचायती आणि ग्रामपंचायतच्या उमेदवारासाठी खर्च मर्यादा वाढवण्यात आली आहे आता महानगरपालिका उमेदवारांना ८ लाख एवजी१४ लाख रुपये खर्च करता येतील. नगरपालिकेसाठी ही मर्यादा ७ लाखावरून १२ लाख ( अ वर्ग नगरपालिकेसाठी १४ लाख ) करण्यात आली आहे. नगरपंचायतीच्या उमेदवारांना ४ ऐवजी८ लाख रुपये खर्च करता येणार आहेत. ग्रामपंचायत च्या निवडणुकीसाठी नवीन मर्यादा निश्चित करण्यात आली आहे. ११ सदस्या पर्यंत ग्रामपंचायत साठी २ लाख रुपये, ११ते१५ सदस्य संख्या असलेल्या ग्रामपंचायत साठी ४ लाख रुपये तर १६ किंवा त्याहून अधिक सदस्य संख्या असलेल्या ग्रामपंचायत साठी ६ लाख रुपये खर्च करता येणार आहे. पूर्वीची मर्यादा या रकमेच्या निम्मी होती निवडणूक आयोगाच्या या निर्णयामुळे सर्व स्थानिक स्वराज्य संस्थेमधील उमेदवारांनी समाधान व्यक्त केले आहे.
