माहोरा येथील रेणूका माता मंदिर परिसरात यात्रेचे स्वरूप

आशाताई बच्छाव

माहोरा येथील रेणूका माता मंदिर परिसरात यात्रेचे स्वरूप

जाफराबाद जालना प्रतिनिधी मुरलीधर डहाके

जाफराबाद तालुक्यातील माहोरा येथे रेणुका देवी संस्थान च्या वतीने मंदीर परिसरा मध्ये लायटिंग आणि पताका लाऊन रोषणाई करण्यात आली आहे.
मराठवाडा विभागातील ग्रामीण परिसरातील भाविकांचे शक्तीपीठ म्हणून प्रसिद्ध असलेल्या येथील रेणुका मातेच्या मंदिरात 22 सप्टेंबर पासून नवरात्रोत्सवास घटस्थापनेने सुरुवात झाली. नवरात्र उत्सव विजयादशमी पर्यंत चालतो. यामध्ये दररोज सकाळी काकड आरती त्यानंतर ७.३० वाजता आरती होते तसेच परत सायंकाळी ८ वाजता आरती घेतली जाते.असे नित्यनेमाने दररोज आरती घेतली जाते. आरती साठी माहोरा आणि माहोरा परिसरातील भाविक खूप मोठ्या संख्येने हजर असतात. भाविकांची सकाळ पासून ते संध्याकाळ पर्यंत खूप मोठी गर्दी असते.तसेच रात्री दररोज भजनी मंडळे भजन घेतात.सायंकाळच्या आरती नंतर महिलांसाठी गरभा खेळून आनंद व्यक्त करतात. तसेच संगीत खुर्ची असे अनेक कार्यक्रम दररोज असतात. यामुळे परिसरात भक्तिमय वातावरण पहावयास मिळते.