🛑 “बेधुंद मजनू” चालकाच्या बेबंदशाहीने गरीब पंकजचा नाहक बळी

आशाताई बच्छाव

🛑 “बेधुंद मजनू” चालकाच्या बेबंदशाहीने गरीब पंकजचा नाहक बळी

उच्चस्तरीय चौकशीची राऊत कुटुंबाची मागणी • ती गाडीतून आरोपीतर्फे पळविण्यात आलेली युवती कोण.? • घटनेची सीसीटीव्ही फुटेज व्हॉयरल

संजीव भांबोरे

भंडारा : शनिवारी ता. १२ जुलैला सायं. ६:३० दरम्यान गोरगरीब दोन कामगार रोडच्या कडेला पायदळी घरी येत असता मागेहून येणाऱ्या बेधुंद “मजनू” चालकाने त्यांना धडक दिली. यात पंकजचा नाहक बळी गेला. यातील मृतक गाडीत फसला होता व आरोपी चालकाने गाडीत त्याच्या सोबत बसलेल्या एका प्रत्यक्षदर्शी मुलीला तिथून सटकन पळून जाण्यास सांगितले. हा सर्व प्रकार सीसीटीव्ही कॅमेरामध्ये कैद झाला आहे. मृतकाची आई ही शिवभोजन मधे भांडीधूणी करणा-या आईने व राऊत कुटुंबियांनी याची उच्चस्तरीय चौकशी करण्याची मागणी केली असून त्या बेधुंद मजनू चालकाने मृतकाला बाहेर काढणे सोडून आपला बचाव करण्यासाठी गाडीत बसवून आणलेल्या एका प्रत्यक्षदर्शी व तोंडावर स्कार्फ बांधून मुलीला त्या घटनास्थळावरून का पळविले.? असा आता संताप जनतेमध्ये उमटला आहे. व या घटनेची सीसीटीव्ही फुटेज व्हॉयरल झाली आहे.
मजूरीच्या कामाहून सर्व्हिस रोडवर डाव्या कडेला घरी पायदळ परत येत असताना दोन्ही गणेश वार्ड साकोली निवासी पंकज रामू राऊत ३६ व अविनाश हेमराज शहारे ३१ या दोघांना मागेहून येणारी झायलो एम एच ३६ एच ४२६३ ने धडक दिली. यात अविनाश नालीवर आदळला तर पंकजला कारने फरफटत नेले. यामध्ये पंकज राऊतचा जागीच मृत्यू झाला. आजुबाजुचे लोक एकत्र धावत आले. त्यात गाडीत बसलेली व तोंडाला स्कार्फ बांधलेली तरूणी कारमधून उतरताच त्या बेधुंद मजनू चालकाने तिला तेथून पळून जाण्यास सांगितले. व ती तिथून पळून गेली. ही संपूर्ण घटना सीसीटीव्हीत कैद झाली आहे. याप्रकरणी पोलिसांनी कारमालकाचा शोध घेऊन ती कार जप्त करण्यात आली आहे. सदर सीसीटीव्ही फुटेज हे प्रसारमाध्यमांवर चांगलेच व्हायरल झाले असून यावर त्या गाडीखाली फसलेल्या मृतक गोरगरीब पंकजला न काढता त्या आरोपी कार चालकाने कारमधून उतरलेल्या एका तरूणीला त्या अपघात घटनास्थळावरून तातडीने पळवून का लावले.? यातील ती मुलगी प्रत्यक्षदर्शी साक्षीदार आहे व अश्या बेधुंदपणे कार चालविणाऱ्या मजनू चालकावर उच्च स्तरीय कारवाई करण्यात यावी अशी परीसरातील जनतेने सुद्धा मागणी केली आहे.
याप्रकरणी राऊत कुटुंबियांनी उच्चस्तरीय चौकशीसाठी हे प्रकरण दाखल केले आहे. कारण मृतक पंकजची आई पुष्पा रामू राऊत वय ६२ हिने अश्रृमय होत सांगितले की, “माझा पंकज हा घरचा सर्व कर्ता धर्ता होता. माझे आता अर्धे जीवन संपले आहे, पण माझ्या निष्पाप मुलाचा नाहक बळी घेणाऱ्या आरोपींना मी सोडणार नाही, काय चुकी केली होती माझ्या मुलाने.? नुकतेच त्याचे लग्न झाले आणि मोलमजुरी करून आपला सुखी संसार चालवित होता. आरोपींवर कठोर कारवाई व शिक्षा व्हावी हीच माझी पंकजला खरी श्रद्धांजली राहील” असे आईने टाहो फोडला. याप्रकरणी या संपूर्ण घटनेतील आरोपींवर न्यायालयाने कठोर शिक्षा व्हावी अशी मागणी मृतक पंकजची आई पूष्पा रामू राऊत, पत्नी बाली पंकज राऊत, भाऊ दिनेश राऊत व राऊत कुटुंबियांनी केली आहे. एका होतकरू कष्टकरी व गोरगरीब गोवारी समाजातील युवकाचा त्या बेधुंद मजनू चालकामुळे नाहक बळी ठरला यावर जनतेच्या त्या “मजनू” चालकावर संतापजनक प्रतिक्रिया उमटत आहेत.