Home उतर महाराष्ट्र शां. ज.पाटणी विद्यालयाच्या बाल वारकऱ्यांची दिंडी.

शां. ज.पाटणी विद्यालयाच्या बाल वारकऱ्यांची दिंडी.

134

आशाताई बच्छाव

1001670205.jpg

शां. ज.पाटणी विद्यालयाच्या बाल वारकऱ्यांची दिंडी.

श्रीरामपूर, दिपक कदम तालुका प्रतिनिधी:हिंद सेवा मंडळाच्या शां. ज. पाटणी विद्यालयातर्फे आषाढी एकादशीनिमित्त विद्यार्थ्यांच्या दिंडी सोहळ्याचे आयोजन केले होते. लहान मुले व मुलींनी वारकऱ्यांच्या वेशभूषेत ज्ञानोबा माऊली तुकाराम गजरात पालखी मिरवणूक काढली . टाळ, कलश व डोईवर तुळस घेऊन दिंडीत चालणारे बाल वारकरी हे आकर्षणाचे केंद्रबिंदू ठरले.
शां.ज. पाटणी विद्यालयाच्या मैदानात हिंद सेवा मंडळाचे मानद सचिव संजय जोशी,सहसचिव अशोक उपाध्ये,क. जे. सोमय्या हायस्कूलचे माजी चेअरमन संजय छल्लारे, दादा वामन जोशी नवीन मराठी शाळा बालवाडी विभागाचे चेअरमन सुशील गांधी, विद्यालयाचे चेअरमन भरत कुंकूलोळ, पर्यवेक्षक चंद्रशेखर वाघ, प्रसिद्ध व्यावसायिक विनीत कुंकलोळ व आकांक्षा कुंकलोळ यांच्या उपस्थितीत दिंडी सोहळ्यानिमित्त विठ्ठल रुक्माई व ग्रंथ पूजन केले. नेवासा रोडने छोट्या वारकऱ्यांची दिंडी निघाली त्यावेळी विद्यार्थ्यांनी लेझीम व पावलीवर ठेका धरला. चौका चौकात दिंडीचे स्वागत करण्यात आले. याप्रसंगी न्यू एस मार्ट किराणा बाजारचे विशाल जाधव यांनी दिंडीचे स्वागत करून बाल वारकऱ्यांना खाऊचे वाटप केले. कांदा मार्केट चौकात व कामगार हॉस्पिटल चौकात उभे रिंगण घेऊन विद्यार्थ्यांनी लेझीम व फुगड्यांचा आस्वाद घेतला. विद्यालयातून निघालेली दिंडी नेवासा रोड, कांदा मार्केट, कामगार हॉस्पिटल परिसर, साईबाबा मंदिर परिसरातून पुन्हा विद्यालयात समारोप करण्यात आला.

हर्षद चव्हाण, ओम काकडे याने विठ्ठलाची, स्वरा शेटे हिने रुक्माई, गंधार बेलसरेने तुकारामांची व अनुष्का काळे हिने जनाबाई आदी विद्यार्थ्यांनी संतांची सुंदर भूमिका साकारली.

याप्रसंगी मान्यवरांच्या उपस्थितीत सर्व विद्यार्थ्यांना खिचडीचे वाटप करण्यात आले.कार्यक्रमाचे सूत्रसंचालन प्रकाश कळमकर व आभार कैलास जेजुरकर यांनी मानले. कार्यक्रमाच्या यशस्वीतेसाठीसांस्कृतिक विभागाच्या अनुप्रीती पवार, उर्मिला पुजारी,स्नेहल गाडेकर, नितीन यशवंत,बाबासाहेब औटी, श्री.निलेश क्षीरसागर,गणेश नागपुरे, राकेश शिंदे, संजय ठाकूर, दिनेश मुळे,संतोष एडके, किरण पुंड, प्रसाद ब्राह्मणे,सुयश मकासरे, दत्तात्रय नारळे आदी प्रयत्नशील होते.

Previous articleश्रीरामपूरात छत्रपती शिवरायांचा अश्वारूढ पुतळा दिमाखात दाखल
Next articleअनसिंग येथील विठ्ठल रुख्मिणी मंदिरात आषाढी एकादशीच्या निमित्ताने विविध धार्मिक कार्यक्रमांचे आयोजन
Yuva Maratha
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.