आशाताई बच्छाव
राजेंद्र पाटील राऊत यांना जीवनगौरव पुरस्कार २०२५ जाहिर,२९ जुनला होणार विशेष समारंभात पुरस्कार प्रदान
(ॲड विनया नागरे प्रतिनिधी)
नाशिक: युवा मराठा न्यूजपेपर्स अँन्ड वेब न्यूज चॅनलचे मुख्य संपादक तथा युवा मराठा महासंघाचे संस्थापक अध्यक्ष व आश्रयआशा फाऊंडेशन व-हाणे या संस्थेचे संस्थापक अध्यक्ष राजेंद्र पाटील राऊत यांना “जीवनगौरव पुरस्कार २०२५” जाहिर झाला असून,याबाबतची अधिकृत घोषणा आज नाशिक येथे मनुमानसी महिला सेवाभावी संस्थेच्या संस्थापक अध्यक्षा सौ.मेघा राजेश शिंपी व महावीर इंटरनँशनलचे अध्यक्ष अनिल नहार यांनी केली.
वयाची पन्नाशी ओलांडलेल्या व विविध क्षेत्रात कार्यरत राहून सामाजिक कार्य करणाऱ्या व्यक्तींना “जीवनगौरव पुरस्कार २०२५” देऊन सन्मानित केले जाणार आहे.राजेंद्र पाटील राऊत यांनी आपल्या आयुष्यातील वाटचाल ही खडतर मार्गाने करून संघर्षालाच आपलेसे करून अनेक गोरगरीबांच्या हक्कांसाठी व न्यायासाठी त्यांनी संघर्षात्मक पाऊल उचलत अगदी धाडसीपणाने संघर्षातून लढा उभारला व अनेकांना न्याय मिळवून देण्याचे मोलाचे कार्य केले.त्यामुळेच राजेंद्र पाटील राऊत यांना त्यांच्या कार्याचा यथोचित सन्मान म्हणून “जीवनगौरव पुरस्कार २०२५” देऊन सन्मानित केले जाणार असल्याचे संस्थेचे अध्यक्ष शिंपी व नहार यांनी सांगितले.
हा पुरस्कार वितरण समारंभ रविवारी २९ जुन २०२५ रोजी नाशिक येथे विविध मान्यवरांच्या उपस्थितीत पार पडणार असल्याची माहिती शेवटी संस्थेने दिलेल्या पत्रकातून दिली आहे.
