आशाताई बच्छाव
माहोरा येथील माजी सरपंच अंजनाबाई कासोद यांचे अपघाती निधन
जाफराबाद प्रतिनिधि मुरलीधर डहाके
माहोरा येथील माजी सरपंच अंजनाबाई जनार्दन कासोद यांचे दिनांक 9 मे रोजी सायंकाळी 7 वाजेच्या सुमारास जाफराबाद माहोरा रोडवर त्यांच्या राहत्या घराच्या समोर एका अज्ञात मोटारसायकल ने जोरदार धडक दिल्याने त्या रोडवर पडल्या या धडकेत त्यांच्या डोक्याला मार लागला . त्यांना उपचारासाठी दवाखान्यात नेले असता डॉक्टरांनी तपासणी केली असता मृत घोषीत केले. असे त्यांचे अपघाती निधन झाले.
त्यांच्या पश्चात पती, मुलगा, तीन मुली, दीर, जावई, नातवंडे आणि खूप मोठा कासोद परीवार आहे. त्यांचा अचानक अपघाती निधननाने माहोरा परिसरात हळहळ व्यक्त होत आहे. त्यांचा अंत्यविधी कार्यक्रम त्यांच्याच शेतात 10 मे शनिवार रोजी सकाळी 10 वाजता झाला. त्यांना श्रध्दांजली वाहण्यासाठी माहोरा परिसरातून तसेच जाफराबाद तालुक्यातून मोठया प्रमाणात महिला व नागरीक उपस्थित होते.
