आशाताई बच्छाव
पारध बु येथे चैत्रद्वादशी देवीच्या स्वारीने बालाजी उत्सवाची सांगता.
युवा मराठा न्यूज नेटवर्क भोकरदन तालुका रिपोर्टर गजेंद्र लोखंडे
भोकरदन तालुक्यातील पारध बुद्रुक येथे पंधरा दिवसापासून सुरू असलेला बालाजी महोत्सव आज देवीच्या स्वारीने संपन्न झाला दरवर्षीप्रमाणे चैत्र एकादशीला महादेवाची सारी व द्वादशीला देवीची स्वारी निघते पारध नगरीमध्ये बालाजी उत्सवाच्या निमित्ताने एक आनंदाचे वातावरण निर्माण होते नोकरी निमित्ताने बाहेर गेलेले नागरिक या उत्सवाच्या निमित्ताने गावी येतात गावातील नागरिक व बाहेरगावाहून आलेले नागरिक भक्ती भावाने महादेवाचे व देवाच्या स्वारीची दर्शन घेऊन आपली मनोभावना या ठिकाणी बोलून दाखवता अनेक वर्षापासून चालत आलेली हा बालाजी उत्सवाची परंपरा आजही पारध बुद्रुक नगरीमध्ये कायम आहे दिवसेन दिवस तरुणांच्या उत्साहाने या बालाजी उत्सवाला अजूनच रंगत निर्माण झाल्याचे यावर्षी पाहायला मिळाले या उत्सवाच्या निमित्ताने लग्न झालेल्या मुली दिवाळीला न येता या उत्सवाला येत असतात असा हा उत्सव चैत्रद्वादशीच्या दिवशी देवीच्या स्वारीच्या उत्सवाने संपन्न होतो .
