आशाताई बच्छाव
मराठवाडा शिक्षण प्रसारक मंडळातील
शिक्षकांची परीक्षा अखेर रद्द!
मराठवाडा शिक्षक संघाच्या मागणीला यश.
——————————————–
परीक्षेस शिक्षकांचा होता विरोध; नियमबाह्य परीक्षा रद्द करण्याची मराठवाडा शिक्षक संघाने केली होती मागणी!
जिल्हा प्रतिनिधी जालना -वसंतराव देशमुख
दिनांक 09//04/2025
याविषयी सविस्तर माहिती अशी की,
मराठवाड्यातील नामांकित शिक्षण संस्थेच्या मराठवाडा शिक्षण प्रसारक मंडळाने मंडळातील कार्यरत शिक्षकांची परीक्षा आयोजित केली होती. शैक्षणिक व व्यावसायिक पात्रता प्राप्त करून शिक्षक झालेल्या आणि गेली अनेक वर्षे यशस्वीपणे अध्यापन करणाऱ्या शिक्षकांचा अवमान करणारी ही बाब होती. त्यामुळे मंडळातील शिक्षकांनी या परीक्षेस विरोध केला होता.विशेष म्हणजे या शिक्षकांवर हा मंडळाने दाखविलेला अविश्वास असून यामुळे मंडळातील एकूणच शिक्षकांनी याविषयी तीव्र नाराजी व्यक्त केली होती.मंडळाच्या या निर्णयाच्या विरोधात मराठवाडा शिक्षक संघाने शिक्षकांची नियमबाह्य परीक्षा रद्द करण्याची मागणी मा. शिक्षण उपसंचालक छत्रपती संभाजीनगर यांचेकडे केली होती. तसेच मंडळ कार्यालयासमोर आंदोलनाची हाक दिली होती. याचाच परिणाम म्हणुन मराठवाडा शिक्षण प्रसारक मंडळाने शिक्षक परीक्षा रद्द केली असून तशा आशयाचे पत्र मराठवाडा शिक्षण प्रसारक मंडळाच्या वतीने प्रसिद्ध करण्यात आले आहे.
हा मराठवाडा शिक्षक संघाच्या संघशक्तीचा विजय असुन
मराठवाडा शिक्षक संघ यापुढेही शिक्षकांवर होणारा कोणताही अन्याय सहन करणार नाही. अन्यायाच्या विरोधात जशास तसे उत्तर देण्यास नेहमीच सज्ज असणार असल्याची प्रतिक्रिया मराठवाडा शिक्षक संघाने दिली आहे.
