आशाताई बच्छाव
अवैध नायलॉन मांजा वापर अथवा विक्री करताना आढळल्यास कायदेशीर कारवाई करू – पोलिसांचे आवाहन
चाळीसगाव प्रतिनिधी विजय पाटील- दरवर्षी प्रमाणे 14/01/2025 रोजी मकर संक्रांतीचे निमित्ताने नागरीक पंतग उडविण्याचा आनंद उत्सव साजरे करीत असतात. पतंग उडविण्यासाठी नागरीक हे नॉयलॉन मांजा या धाग्याचा वापर करीत असल्याने नायलॉन मांजाच्या धागा मुळे मानवी, पशु, पक्षी यांचे जिवितास धोका निर्माण होतो
शिवाय पतंग उडविण्यासाठी वापरण्यात येणाऱ्या नॉयलॉन मांजामुळे अनेक मुलांना, पशु, पक्षींना गंभीर जखमा होवुन त्यात प्राण गमाविला आहे. तसेच यापुर्वी देखील अवैधरित्या मांजा विक्री करणाऱ्या विरुध्द चाळीसगाव शहर पोलीस स्टेशन येथे गुन्हा दाखल आहे नागरिकांनी नायलॉन मांजा वापरू नये
व दुकानदार यांनी याची विक्री करू नये असे आढळून आल्यास त्यांच्यावर कायदेशीर करवाई केली जाईल तसेच चाळीसगाव शहरात कोणी दुकानदार नॉयलॉन मांजाची विक्री करीत असल्यास नागरिकांनी तात्काळ चाळीसगाव शहर पोलीस स्टेशनला कळवावे असे आवाहन शहर पोलीस निरीक्षक किरणकुमार कबाडी यांनी केले आहे.
