आशाताई बच्छाव
माळीवाडा बसस्थानक परिसरातून अल्पवयीन मुलीचे अपहरण. अहिल्यानगर कारभारी गव्हाणे प्रतिनिधी
अहिल्यानगर शहरातील माळीवाडा बस स्थानक परिसरातून १५ वर्षीय अल्पवयीन मुलीला अज्ञात व्यक्तीने फूस लावून पळवून नेल्याची घटना मंगळवारी दुपारी पावणे चारच्या सुमारास घडली. या प्रकरणी पीडित अल्पवयीन मुलीच्या आईने दिलेल्या फिर्यादीवरून अज्ञात व्यक्तीविरूध्द कोतवाली पोलीस ठाण्यात रात्री अपहरणाचा गुन्हा दाखल करण्यात आला आहे.
फिर्यादीची अल्पवयीन मुलगी माळीवाडा बस स्थानक परिसरात असताना तिला अज्ञात व्यक्तीने फूस लावून पळवून नेले. सदरची घटना फिर्यादीच्या लक्ष्यात आल्यानंतर त्यांनी मुलीचा परिसरात, नातेवाईकांकडे शोध घेतला असता ती मिळून आली नाही. त्यानंतर फिर्यादीने कोतवाली पोलिसांना माहिती दिली. पोलिसांनी गुन्ह्याची नोंद केली असून मुलीचा शोध सुरू केला आहे.
