आशाताई बच्छाव
सिद्धार्थ महाविद्यालयात वाड्;मय मंडळाचे उद्घाटन.
तालुका प्रतिनिधी जाफ्राबाद-मुरलीधर डहाके
दिनांक२४/०९/ २०२४
जाफराबाद येथील सिद्धार्थ कला, वाणिज्य व विज्ञान महाविद्यालयात वांड्.मय मंडळाचे उद्घाटन करण्यात आले. या कार्यक्रमा प्रसंगी प्रोफेसर डॉ. राम रवणेकर उद्घाटक म्हणून उपस्थित होते. या कार्यक्रमाचे अध्यक्ष महाविद्यालयाचे प्राचार्य डॉ. र.तु. देशमुख हे होते .प्रमुख उपस्थितीमध्ये वरिष्ठ महाविद्यालयाचे उपप्राचार्य प्रोफेसर डॉ. सुनिल मेढे ,कनिष्ठ महाविद्यालयाचे उपप्राचार्य प्रा. विनोद हिवराळे ,यांची उपस्थिती होती.
उदघाटनपर भाषणात आपले विचार मांडत असताना डॉ. राम रवणेकर म्हणाले की, मराठी साहित्याचे दालन हे खूप समृद्ध आहे यामध्ये ज्ञानेश्वर, तुकोबाराय यांच्या अभंगाची आठवण करून देताना व आजच्या सामाजिक परिस्थितीची बदललेली अवस्था पाहता त्यांनी खंत व्यक्त केली. ज्यामध्ये आज माणूस माणसापासून पूर्णतः दुरावत चालला आहे. याला जोडण्याचे काम संत साहित्य करू शकते असे प्रतिपादन केले. त्याचप्रमाणे भाषा व साहित्य भारताच्या तसेच भारतातील प्रत्येक व्यक्तीच्या विकासासाठी आवश्यक आहे हे वाङ्मयाच्या माध्यमातूनच शक्य आहे.
कार्यक्रमाचे प्रास्ताविक प्रोफेसर डॉ.विजय पाटील यांनी करते वेळी भाषेचा गौरव करताना व वाङ्मयाचा इतिहास मांडताना संत साहित्यापासून आजपर्यंतच्या आधुनिक काळातील साहित्यिकां पर्यंतचा इतिहास मांडला. यामुळे संपूर्ण वाङ्मयात एक नवचैतन्य निर्माण करणाऱ्या नवोदित कवी ,साहित्यिक यांना प्रोत्साहनच मिळेल असे मत व्यक्त केले .महाविद्यालयीन विद्यार्थ्यांमध्ये वांगमयाची गोडी लागावी याकरिता सर्वांनीच प्रयत्न केले पाहिजे असे विचार व्यक्त केले. कार्यक्रमाच्या अध्यक्षिय भाषणांत महाविद्यालयाचे प्राचार्य डॉ. र.तु.देशमुख यांनी आपल्या भाषणात महाविद्यालयाच्या मुला मुलींमध्ये वाङ्मयाची गोडी लागण्याकरिता संत साहित्यापासून ग्रामीण साहित्य व आधुनिक साहित्यापर्यंत च्या विविध पैलूंवर प्रकाश टाकला . वांगमय मंडळाची निर्मिती महाविद्यालयात करण्याचा उद्देश विद्यार्थी विद्यार्थिनींमध्ये साहित्याची आवड निर्माण व्हावी यासाठी
अशा कार्यक्रमाचे आयोजन करण्यात येते. मराठीचे अद्य् कवी मुकुंदराज यांच्या विवेकसिंधु ग्रंथापासुन आधुनिक काळातील नवोदित कवी, कांदबरीकार, कथाकार,नाटयलेखका पर्यंत साहित्याचा आढावा घेतला.या कार्यक्रमाप्रसंगी महाविद्यालयातील विद्यार्थ्यांनी भित्तीपत्रके तयार केली त्यांचे प्रकाशन प्रमुख पाहुण्यांच्या हस्ते करण्यात आले. सूत्रसंचालन कु. शालिनी वाघ, कु. हर्षदा तांबेकर यांनी केले या कार्यक्रमास महाविद्यालयातील विद्यार्थी,शिक्षक, प्राध्यापक मोठ्या संख्येने उपस्थित होते. कार्यक्रमाचे आभार हिंदी विभागाचे प्राध्यापक अनिल वैद्य यांनी मानले. व राष्ट्रगीताने कार्यक्रमाची सांगता करण्यात आली.
